Kuomba msaada

¹Katika taabu yangu nilimwita Mwenyezi-Mungu,

naye akanijibu.

²Uniokoe ee Mwenyezi-Mungu,

na watu wadanganyifu na waongo.

³Enyi watu wadanganyifu, mtapewa kitu gani?

Mtaadhibiwa namna gani?

⁴Kwa mishale mikali ya askari,

kwa makaa ya moto mkali!

⁵Ole wangu kwamba naishi kama mgeni huko Mesheki;[#120:5 “Mesheki” ulidhaniwa kuwa mji au eneo karibu na Bahari ya Kaspia na “Kedari” eneo au mji katika jangwa kusini mwa Damasko katika Siria. Kwa sababu ya umbali kati ya maeneo hayo mawili wafafanuzi wanafikiri majina hayo yanatumiwa kama mfano: watu wa Mesheki na Kedari walidhaniwa kuwa watu wabaya sana, watu wanaochukia amani au wasiopenda kutenda haki.]

naishi kama mgeni katika mahema ya Kedari.

⁶Nimeishi muda mrefu mno

kati ya watu wanaochukia amani!

⁷Wakati ninaposema nataka amani,

wao wanataka tu vita.