Uzuri wa umoja kati ya watu

¹Ni jambo zuri na la kupendeza sana

ndugu kuishi pamoja kwa umoja.

²Ni kama mafuta mazuri yatiririkayo kichwani,[#133:2 Mafuta yalitumiwa kumweka wakfu kuhani mkuu. Taz 2:2 maelezo. Si rahisi kuelewa matumizi ya kitendo hicho cha kumpaka mafuta Aroni. Wengi wanafikiri kwamba kama vile hayo mafuta yalivyoenea ndivyo ulivyo uhusiano wa kudumu kati ya ndugu. Lakini hakuna maelezo ya kutosheleza kabisa juu ya mfano huu.]

mpaka kwenye ndevu zake Aroni,

mpaka upindoni mwa vazi lake shingoni.

³Ni kama umande wa mlima Hermoni,

uangukao juu ya vilima vya Siyoni!

Huko Mwenyezi-Mungu ameahidi kuwabariki watu wake,

kuwapa uhai usio na mwisho.