Bezaleli na Oholiabu

¹Ndipo Bwana akamwambia Musa,

²“Tazama, nimemchagua Bezaleli mwana wa Uri, mwana wa Huri, wa kabila la Yuda,

³nami nimemjaza Roho wa Mungu, pamoja na ustadi, uwezo na ujuzi katika aina zote za ufundi,

⁴ili kubuni michoro ya kupendeza katika ufundi wa dhahabu, fedha na shaba,

⁵kuchonga vito na kuvitia mahali, kufanya ufundi kwa mbao, na kujishughulisha na aina zote za ufundi.

⁶Tena nimemteua Oholiabu mwana wa Ahisamaki, wa kabila la Dani, ili kumsaidia.

⁷“Hema la Kukutania,

Sanduku la Ushuhuda pamoja na kiti cha rehema juu yake,

pia na vifaa vyote vya kwenye hema:

¹⁰pamoja na mavazi matakatifu yaliyofumwa ya kuhani Haruni,

¹¹pia mafuta ya upako na uvumba wenye harufu nzuri kwa ajili ya Mahali Patakatifu.

Sabato

¹²Kisha Bwana akamwambia Musa,

¹³“Waambie Waisraeli, ‘Ninyi ni lazima mzishike Sabato zangu. Hii itakuwa ni ishara kati yangu na ninyi kwa vizazi vijavyo, ili mpate kujua kwamba Mimi Ndimi Bwana , niwafanyaye ninyi watakatifu.

¹⁴“ ‘Mtaishika Sabato, kwa sababu ni takatifu kwenu. Yeyote atakayeinajisi lazima auawe, yeyote atakayefanya kazi siku hiyo lazima akatiliwe mbali na watu wake.

¹⁵Kwa siku sita, mtafanya kazi, lakini siku ya saba ni Sabato ya mapumziko, takatifu kwa Bwana . Yeyote afanyaye kazi yoyote siku ya Sabato ni lazima auawe.

¹⁶Waisraeli wataishika Sabato, kuiadhimisha kwa vizazi vijavyo kuwa agano la milele.

¹⁷Itakuwa ishara kati yangu na Waisraeli milele, kwa kuwa kwa muda wa siku sita Bwana aliumba mbingu na dunia, akapumzika siku ya saba, akastarehe.’ ”

¹⁸Bwana alipomaliza kusema na Musa juu ya Mlima Sinai, Mungu akampa vile vibao viwili vya Ushuhuda, vibao vya mawe vilivyoandikwa kwa kidole cha Mungu.