¹Kisha Bwana akamwambia Musa, “Sasa utaona kitu nitakachomfanyia Farao: Kwa sababu ya mkono wangu wenye nguvu atawaachia watu waende; kwa sababu ya mkono wangu wenye nguvu atawafukuza waondoke nchini mwake.”

²Pia Mungu akamwambia Musa, “Mimi ndimi Bwana .

³Nilimtokea Abrahamu, na Isaka, na Yakobo kama Mungu Mwenyezi, ingawa kwa Jina langu, Yehova , sikujitambulisha kwao.[#6:3 Kiebrania El-Shaddai (yaani Mungu Mwenye utoshelevu wote).]

⁴Pia niliweka agano langu nao kuwapa nchi ya Kanaani, ambako waliishi kama wageni.

⁵Zaidi ya hayo, nimesikia kilio cha huzuni cha Waisraeli ambao Wamisri wamewatia utumwani, nami nimelikumbuka agano langu.

⁶“Kwa hiyo, waambie Waisraeli: ‘Mimi ndimi Bwana , nami nitawatoa katika nira ya Wamisri. Nitawaweka huru mtoke kuwa watumwa wao, nami nitawakomboa kwa mkono ulionyooshwa pamoja na matendo makuu ya hukumu.

⁷Nitawachukua ninyi kuwa watu wangu mwenyewe, nami nitakuwa Mungu wenu. Ndipo mtajua kuwa mimi ndimi Bwana Mungu wenu, niliyewatoa chini ya nira ya Wamisri.

⁸Nami nitawaleta hadi nchi niliyoapa kwa mkono ulioinuliwa kumpa Abrahamu, Isaka na Yakobo. Nitawapa iwe milki yenu. Mimi ndimi Bwana .’ ”

⁹Musa akawaarifu Waisraeli jambo hili, lakini hawakumsikiliza kwa sababu ya kuvunjika moyo na kazi yao ngumu.

¹⁰Ndipo Bwana akamwambia Musa,

¹¹“Nenda, mwambie Farao mfalme wa Misri awaachie Waisraeli waondoke nchini mwake.”

¹²Lakini Musa akamwambia Bwana , “Ikiwa Waisraeli hawatanisikiliza, kwa nini yeye Farao anisikilize mimi, ambaye huzungumza kwa kigugumizi?”

Orodha ya jamaa ya Musa na Haruni

¹³Ndipo Bwana akanena na Musa na Haruni kuhusu Waisraeli na Farao mfalme wa Misri, naye akawaamuru wawatoe Waisraeli kutoka Misri.

Wana wa Reubeni, mzaliwa wa kwanza wa kiume wa Israeli walikuwa:

¹⁵Wana wa Simeoni walikuwa:

¹⁶Haya ndiyo majina ya wana wa Lawi, kulingana na orodha zao:

²⁰Amramu akamwoa Yokebedi, shangazi yake, aliyemzalia Haruni na Musa.

²¹Wana wa Ishari walikuwa:

²²Wana wa Uzieli walikuwa:

²³Haruni akamwoa Elisheba binti Aminadabu, ndugu yake Nashoni, naye akamzalia Nadabu na Abihu, Eleazari na Ithamari.

²⁴Wana wa Kora walikuwa:

²⁵Eleazari mwana wa Haruni akamwoa mmoja wa binti za Putieli, naye akamzalia Finehasi.

²⁶Hawa walikuwa Haruni na Musa, wale wale ambao Bwana aliwaambia, “Watoeni Waisraeli katika nchi ya Misri kwa vikosi vyao.”

²⁷Hao ndio waliozungumza na Farao, mfalme wa Misri kuhusu kuwatoa Waisraeli Misri. Ilikuwa ni huyo Musa na huyo Haruni.

Haruni kuzungumza badala ya Musa

²⁸Bwana aliponena na Musa huko Misri,

²⁹akamwambia, “Mimi ndimi Bwana . Mwambie Farao mfalme wa Misri kila kitu nikuambiacho.”

³⁰Lakini Musa akamwambia Bwana , “Kwa kuwa mimi huzungumza kwa kigugumizi, Farao atanisikiliza mimi?”