Zaburi 46

Mungu yuko pamoja nasi

¹Mungu kwetu sisi ni kimbilio na nguvu,

msaada utakaoonekana tele wakati wa mateso.

²Kwa hiyo hatutaogopa, hata kama dunia ikiondolewa,

na milima ianguke kilindini cha bahari,

³hata maji yake yakinguruma na kuumuka,

na milima itetemeke kwa mawimbi yake.

⁴Kuna mto ambao vijito vyake vinaufurahisha mji wa Mungu,

mahali patakatifu ambako Aliye Juu Sana anaishi.

⁵Mungu yuko katikati yake, hautaanguka,

Mungu atausaidia asubuhi na mapema.

⁶Mataifa yanafanya ghasia, falme zinaanguka,

yeye hupaza sauti yake, dunia ikayeyuka.

⁷Bwana wa majeshi yu pamoja nasi;

Mungu wa Yakobo ni ngome yetu.

⁸Njooni mkaone kazi za Bwana

jinsi alivyofanya ukiwa katika nchi.

⁹Anakomesha vita hata miisho ya dunia,

anakata upinde na kuvunjavunja mkuki,

anateketeza ngao kwa moto.

¹⁰“Tulieni, mjue kwamba mimi ndimi Mungu;

nitatukuzwa katikati ya mataifa,

nitatukuzwa katika dunia.”

¹¹Bwana wa majeshi yu pamoja nasi;

Mungu wa Yakobo ni ngome yetu.