Zaburi 99

Mungu Mfalme mtakatifu

¹Bwana anatawala,

mataifa na yatetemeke;

anakalia kiti cha enzi katikati ya makerubi,

dunia na itikisike.

²Bwana ni mkuu katika Sayuni;

ametukuzwa juu ya mataifa yote.

³Wanalisifu jina lako ambalo ni kuu na la kuogopwa:

yeye ni mtakatifu!

⁴Mfalme ni mwenye nguvu na hupenda haki,

wewe umethibitisha adili;

katika Yakobo umefanya

yaliyo haki na sawa.

⁵Mtukuzeni Bwana Mungu wetu,

na mkaabudu katika mahali pa kuwekea miguu yake;

yeye ni mtakatifu.

⁶Musa na Haruni walikuwa miongoni mwa makuhani wake,

Samweli alikuwa miongoni mwa walioliitia jina lake;

walimwita Bwana ,

naye aliwajibu.

⁷Alizungumza nao kutoka nguzo ya wingu;

walizishika sheria zake na amri alizowapa.

⁸Ee Bwana , wetu,

ndiwe uliyewajibu,

kwa Israeli ulikuwa Mungu mwenye kusamehe,

ingawa uliadhibu matendo yao mabaya.

⁹Mtukuzeni Bwana Mungu wetu,

mwabuduni kwenye mlima wake mtakatifu,

kwa maana Bwana Mungu wetu ni mtakatifu.