Baba Yakobo ni kielezo chao Waisiraeli.

¹Efuraimu amenizingia uwongo,

walio mlango wa Isiraeli wamenizingia udanganyifu;

Yuda naye hata sasa hujiendea na kumwacha Mungu

aliye mtakatifu na mwelekevu.

²Efuraimu hujilisha upepo,

huukimbilia upepo utokao maawioni kwa jua,

siku kwa siku huongeza uwongo na uangamizo:

hufanya maagano na Asuri, tena mafuta hupelekwa Misri.

³Lakini Bwana yuko na shauri na Yuda, ampatilizie Yakobo njia zake

na kumlipisha matendo yake.

⁴Tumboni mwa mama alimshika kaka yake kisigino,

napo, alipokuwa mtu mzima, alishindana na Mungu.

⁵Akashindana na malaika, akamshinda kwa kulia na kumlalamikia;

Beteli ndiko, alikomwona, ndiko, alikosema na sisi

⁶yeye Bwana Mungu Mwenye vikosi; Bwana ni Jina lake la kumtukuza.[#Sh. 83:18.]

⁷Nawe sharti urudi kwa Mungu wako, ushikamane na upole,

ufanye yapasayo, umngojee Mungu wako pasipo kukoma.

⁸Kwa kushika mizani ya kudanganyia mikononi mwake

Mkanaani hupenda kukorofisha.

⁹Efuraimu husema: Kumbe ni tajiri! Nimejipatia mali!

Tena kwa hivyo vyote, nilivyovisumbukia,

hawataniona, ya kuwa nimefanya kiovu cha kumkosea mtu.

¹⁰Lakini mimi Bwana ni Mungu wako

tangu hapo, nilipokutoa katika nchi ya Misri,

mimi nitakukalisha tena katika mahema kama penye sikukuu za mkutano.

¹¹Mimi nilisema na wafumbuaji, nikawatokea mara nyingi,

nikawaonya kwa vinywa vya wafumbuaji na kusema mifano.

¹²Kwa kuwa huko Gileadi walifanya yasiyofaa,

basi, nao watageuzwa kuwa si kitu;

kwa kuwa huko Gilgali walitoa ng'ombe za tambiko,

napo pao pa kutambikia patakuwa kama chungu za mawe penye matuta.

¹³Yakobo alikimbilia mashamba ya Aramu,

Isiraeli akatumikia kupata mwanamke,

hakuwa na budi kuchunga kondoo na mbuzi, ampate mkewe.

¹⁴Lakini kwa mkono wa mfumbuaji Bwana alimtoa Isiraeli huko

Misri,

kisha wakachungwa na mfumbuaji.

¹⁵Efuraimu amemsikitisha masikitiko yenye uchungu;

kwa hiyo zile damu, alizozimwaga, atamtupia, zimkalie,

nayo matusi yake ndiyo, Bwana wake atakayomlipisha.