Watu wanapata kuyashika Maonyo.

¹Nao waliotia muhuri yao hi hawa: Mtawala nchi Nehemia, mwana wa Hakalia, na Sedekia;

²Seraya, Azaria, Yeremia;

³Pashuri, Amaria, Malkia;

⁴Hatusi, Sebania, Maluki;

⁵Harimu, Meremoti, Obadia;

⁶Danieli, Ginetoni, Baruku;

⁷Mesulamu, Abia, Miyamini;

⁸Mazia, Bilgai, Semaya; hawa ndio watambikaji.

⁹Nao Walawi ndio: Yesua, mwana wa Azania, Binui wa wana wa Henadadi, Kadimieli;

¹⁰na ndugu zao Sebania, Hodia, Kelita, Pelaya, Hanani;

¹¹Mika, Rehobu, Hasabia;

¹²Zakuri, Serebia, Sebania;

¹³Hodia, Bani, Beninu.

¹⁴Wakuu wa watu ndio: Parosi, Pahati-Moabu, Elamu, Zatu, Bani;[#Ezr. 2:3,6.]

¹⁵Buni, Azgadi, Bebai;

¹⁶Adonia, Bigwai, Adini;

¹⁷Ateri, Hizikia, Azuri;

¹⁸Hodia, Hasumu, Besai;

¹⁹Harifu, Anatoti, Nobai;

²⁰Magipiasi, Mesulamu, Heziri;

²¹Mesezabeli, Sadoki, Yadua;

²²Pelatia, Hanani, Anaya;

²³Hosea, Hanania, Hasubu;

²⁴Halohesi, Piliha, Sobeki;

²⁵Rehumu, Hasabuna, Masea;

²⁶na Ahia, Hanani, Anani;

²⁷Maluki, Harimu, Baana.

²⁸Nao watu wengine wote, watambikaji, Walawi, walinda malango, waimbaji, watumishi wa Nyumbani mwa Mungu, nao wote waliojitenga na watu wa makabila ya nchi hizi, wayashike Maonyo ya Mungu, wake zao na wana wao wa kiume na wa kike, wote pia waliojua kuitambua maana,[#Ezr. 2:70.]

²⁹wakawafuata ndugu zao watukufu wakijiapiza na kuapa kwamba: Tuendelee na kuyafuata Maonyo ya Mungu yaliyotolewa mkononi mwa Mose, mtumishi wake Mungu, tena tuyashike na kuyafanya maagizo yote na maamuzi yake na maongozi yake Bwana Mungu wetu.

³⁰Tusiwape watu wa makabila ya nchi hii wana wetu wa kike, wala wana wa kike wa kwao tusiwachukue, tuwape wana wetu wa kiume,

³¹wala tusinunue cho chote kwao watu wa makabila ya nchi hii katika siku za mapumziko na katika siku takatifu, wakileta vyombo na vilaji kuviuza siku ya mapumziko. Tena kila mwaka wa saba tuache kulima, nayo madeni yo yote tuwaachilie watu.[#Neh. 13:15-16; Amo. 8:5.]

³²Tena wakajisimamisha na kujiagiza wenyewe kutoa kila mtu kwa mwaka thumuni tatu za msaada wa kazi za Nyumba ya Mungu,

³³zilipe mikate, anayowekewa Bwana, navyo vipaji vya tambiko vya kila siku nazo ng'ombe za tambiko za kila siku na za siku za mapumziko, nazo za miandamo ya mwezi, nazo za sikukuu na za siku takatifu na za Mapoza, Waisiraeli wakijitafutia upozi kwa ajili ya makosa yao, kale na kale zilipe kazi zote za Nyumba ya Mungu wetu.

³⁴Kisha sisi watambikaji na Walawi pamoja na watu wote tukaipigia kura michango ya kuni, watakazoipelekea Nyumba ya Mungu wetu milango kwa milango ya baba zetu mwaka kwa mwaka penye siku zilizowekwa, tupate kuziteketeza ng'ombe za tambiko mezani pa Bwana Mungu wetu, kama ilivyoandikwa katika Maonyo.[#3 Mose 6:12.]

³⁵Tena tukajisimamisha kuleta Nyumbani mwa Bwana malimbuko ya mashamba yetu na ya miti yote ya matunda mwaka kwa mwaka,[#2 Mose 23:19.]

³⁶nao wazaliwa wa kwanza wa wana wetu na wa nyama wetu wa kufuga, kama ilivyoandikwa katika Maonyo, ndiyo malimbuko ya ng'ombe wetu na ya mbuzi na kondoo wetu, tuyapeleke Nyumbani mwa Mungu wetu kuwapa watambikaji wanaotumikia Nyumbani mwa Mungu wetu.[#2 Mose 13:2.]

³⁷Tena tukajisimamisha kutoa malimbuko ya unga wetu wa kwanza wa kupika mikate na michango mingine itupasayo na matunda ya miti yote na mvinyo mbichi na mafuta, tuyapelekee watambikaji katika vyumba vyao vilivyopo penye Nyumba ya Mungu wetu, nao Walawi tuwapelekee mafungu ya kumi ya mashamba yetu, kwani Walawi ndio wanaoyatoza mafungu ya kumi katika miji yote, tunakolima.[#4 Mose 18:21.]

³⁸Tena Walawi wakiyatoza mafungu ya kumi, mtambikaji aliye mwana wa Haroni sharti awe pamoja na hao Walawi, Walawi wapeleke fungu la kumi la mafungu yao ya kumi vyumbani mwa nyumba ya vilimbiko.[#4 Mose 18:26,28.]

³⁹Kwani humo vyumbani ndimo, wana wa Isiraeli na wana wa Lawi watakamopeleka michango ya ngano na ya mvinyo mbichi na ya mafuta, kwani humo ndimo, vyombo vitakatifu vilimo, nao watambikaji na watumishi na walinda malango na waimbaji wamo mumo humo. Hatutaiacha Nyumba ya Mungu wetu, ikose cho chote.