Mashangilio 142

Kilio cha mtu asongekaye.

¹Napaza zauti, nimlilie Bwana,[#1 Sam. 24:4.]

²namlalamikia Bwana na kupaza sauti yangu.

³Mbele yake nayamwaga machozi yangu, nayo masongano yangu nayatangaza mbele yake yeye.

⁴Roho yangu ikitaka kuzimia kifuani mwangu, wewe unaujua mwenendo wangu, jinsi ulivyo. Njiani nipitapo wamenitegea matanzi;

⁵ukitazama kuumeni utaona, hakuna anikaguaye. Nimepotelewa na kimbilio, hakuna aniulizaye.[#Sh. 138:7.]

⁶Nimekupalizia sauti, Bwana, nikasema kwamba: Wewe u kimbilio langu na fungu langu nchini kwao walio hai.

⁷Yaangalie malalamiko yangu! Kwani nimekorofika sana. Niopoe kwao wanikimbizao! Kwani nguvu zao hunishinda.[#Sh. 27:13.]

⁸Itoe roho yangu kifungoni, ilishukuru Jina lako! Waongofu watanizunguka, ukinitendea mema.