Maombo ya asubuhi kwa kulindiwa wabaya.

¹Bwana, yasikilize maneno yangu! Yatambue nayo manong'ono yangu!

²Sauti ya kilio changu itegee masikio! Mfalme wangu na Mungu wangu, ninakulalamikia.[#Sh. 84:4.]

³Bwana, asubuhi uisikie sauti yangu! Asubuhi ninajiweka kuwa tayari, nikuchungulie.

⁴Kwani wewe siwe Mungu apendezwaye naye asiyekucha, wala mtu mbaya hakai huko, uliko.

⁵Wajitukuzao hawasimami machoni pako; unawachukia wote wafanyao maovu.

⁶Utawaangamiza kabisa wao wasemao uwongo, wenye kiu ya damu na wadanganyaji humtapisha Bwana.

⁷Lakini mimi kwa wingi wa upole wako nitaingia Nyumbani mwako, nikuangukie Patakatifu pako pa kuombea, kwa maana ninakuogopa.[#Sh. 26:8.]

⁸Bwana, niongoze, niufuate wongofu wako, kwa ajili yao waninyatiao, ukainyoshe njia yako machoni pangu!

⁹Kwani vinywani mwao hao hamna yaliyo sawa, mioyoni mwao hukaa tamaa mbaya tu, makoo yao huwa makaburi yaliyo wazi, ndimi zao nazo huteleza.[#Rom. 3:13.]

¹⁰Wapatilize, Mungu, waangushwe na mashauri yao, wakumbe kwa ajili ya maovu yao mengi! Kwani wamekubisha.

¹¹Wote wakuegemeao wapate kufurahi kale na kale, wapige vigelegele, kwani huwakingia, wakushangilie wote walipendao Jina lako![#Sh. 40:17.]

¹²Kwani wewe, Bwana, unambariki aliye mwongofu, ukamvika upendelevu, kama ni ngao.[#Sh. 103:4.]