MGA AWIT 54

Sa Pangulong Manunugtog; sa mga panugtog na kawad. Masquil ni David: nang ang mga 1 Sam. 23:1926:1Zipheo ay dumating at magsabi kay Saul, Hindi ba nagtatago si David doon sa amin?

¹Iligtas mo ako, Oh Dios, sa pamamagitan ng iyong pangalan.

At hatulan mo ako sa iyong kapangyarihan.

²Dinggin mo ang aking dalangin, Oh Dios;

Pakinggan mo ang mga salita ng aking bibig.

³Sapagka't ang mga tagaibang lupa ay nagsibangon laban sa akin,[#Awit 86:14.]

At ang mga mangdadahas na tao ay nagsisiusig ng aking kaluluwa:

Hindi nila inilagay ang Dios sa harap nila. (Selah)

⁴Narito, ang Dios ay aking katulong:

Ang Panginoon ay sa kanila na nagsisialalay ng aking kaluluwa.

⁵Kaniyang ibabalik ang kasamaan sa aking mga kaaway:

Gibain mo sila sa iyong katotohanan.

⁶Ako'y maghahain sa iyo ng kusang handog:[#Blg. 15:3; Awit 51:12; Os. 14:4.]

Ako'y magpapasalamat sa iyong pangalan, Oh Panginoon, sapagka't mabuti.

⁷Sapagka't iniligtas niya ako sa lahat ng kabagabagan;

At nakita ng aking mata ang aking nasa sa aking mga kaaway.