Josue 16

Ang Lupain ng mga Lahi nina Efraim at Manases

¹Ang lupaing ibinigay sa mga lahi ni Jose ay nagsimula sa Ilog Jordan malapit sa Jerico, sa silangan ng mga bukal ng Jerico, papunta sa ilang at sa kabundukan hanggang sa Betel.

²Mula sa Betel (na siyang Luz), dumaraan ito sa Atarot na kung saan nakatira ang mga Araceo[#16:2 : Ito ang nasa tekstong Griyegong (tingnan din sa 18:13). Sa Hebreo, papunta sa Luz.]

³at pababa sa kanluran papunta sa lugar ng mga Jafleteo, hanggang sa hangganan ng mababang Bet-horon. At nagpatuloy ito sa Gezer hanggang sa Dagat ng Mediteraneo.

Ang hangganan ng kanilang mana sa silangan ay nagsisimula sa Atarot-adar papunta sa mataas na Bet-horon

⁶hanggang sa Dagat ng Mediteraneo. Ang hangganan nito sa hilaga ay nagsisimula sa Micmetat, at paliko pasilangan sa Taanat-silo, at dumaraan sa silangan ng Janoa.

⁷At mula sa Janoa ay pababa ito sa Atarot at Naara, at dumaraan sa Jerico papunta sa Ilog Jordan.

⁸Mula sa Tapua, ang hangganan ay papunta sa kanluran at dumaraan sa Lambak ng Kana, hanggang sa Dagat ng Mediteraneo. Ito ang lupain na ibinigay bilang mana ng lahi ni Efraim na hinati-hati ayon sa bawat sambahayan.

⁹Kasama nito ang mga bayan at baryo na sakop sa lupain ni Manases.

¹⁰Hindi nila pinalayas ang mga Cananeo na nakatira sa Gezer; kaya may mga Cananeo na nakatira kasama ng mga taga-Efraim hanggang ngayon, pero ginawa silang mga alipin.