Mga Awit 13

Panalangin Upang Tulungan ng Diyos

¹Hanggang kailan, Yahweh, ako'y iyong lilimutin?

Gaano katagal kang magtatago sa akin?

²Gaano katagal pa itong hapdi ng damdamin

at ang lungkot sa puso kong gabi't araw titiisin?

Kaaway ko'y hanggang kailan magwawagi sa akin?

³Yahweh, aking Diyos, tingnan mo ako at sagutin,

huwag hayaang mamatay, lakas ko'y panumbalikin.

⁴Baka sabihin ng kaaway ko na ako'y kanilang natalo,

at sila'y magyabang dahil sa pagbagsak ko.

⁵Nananalig ako sa pag-ibig mong wagas,

magagalak ako dahil ako'y ililigtas.

⁶O Yahweh, ika'y aking aawitan,

dahil sa iyong masaganang kabutihan.