Kuomba msaada

¹Katika taabu yangu nilimwita Mwenyezi-Mungu,

naye akanijibu.

²Uniokoe ee Mwenyezi-Mungu,

na watu wadanganyifu na waongo.

³Enyi watu wadanganyifu, mtapewa kitu gani?

Mtaadhibiwa namna gani?

⁴Kwa mishale mikali ya askari,

kwa makaa ya moto mkali!

⁵Ole wangu kwamba naishi kama mgeni huko Mesheki;

naishi kama mgeni katika mahema ya Kedari.

⁶Nimeishi muda mrefu mno

kati ya watu wanaochukia amani!

⁷Wakati ninaposema nataka amani,

wao wanataka tu vita.