Mungu hakimu

¹Tunakushukuru, ee Mungu,

tunakushukuru!

Tunatangaza ukuu wa jina lako

na kusimulia juu ya matendo yako makuu.

²Mungu asema: “Mimi nimeweka wakati maalumu!

Wakati huo nitahukumu kwa haki.

³Nchi ikitetemeka na vyote vilivyomo,

mimi ndiye ninayeitegemeza misingi yake.

⁴Nawaambia wenye kiburi:

‘Acheni kujigamba’;

na waovu: ‘Msioteshe pembe za kiburi!

⁵Msijione kuwa watu wa maana sana,

wala kusema maneno ya majivuno.’”

⁶Hukumu haitoki mashariki au magharibi;

wala haitoki nyikani au mlimani.

⁷Mungu mwenyewe ndiye hakimu;

humshusha mmoja na kumkweza mwingine.

⁸Mwenyezi-Mungu, anashika kikombe mkononi,

kimejaa divai kali ya hasira yake;

anaimimina na waovu wote wanainywa;

naam, wanainywa mpaka tone la mwisho.

⁹Lakini mimi nitafurahi milele,

nitamwimbia sifa Mungu wa Yakobo.

¹⁰Atavunja nguvu zote za watu waovu;

lakini nguvu za waadilifu ataziimarisha.