Mungu kinga yetu

¹Natazama juu milimani;

msaada wangu utatoka wapi?

²Msaada wangu watoka kwa Mwenyezi-Mungu,

aliyeumba mbingu na dunia.

³Hatakuacha uanguke;

mlinzi wako hasinzii.

⁴Kweli mlinzi wa Israeli

hasinzii wala halali.

⁵Mwenyezi-Mungu ni mlinzi wako;

yuko upande wako wa kulia kukukinga.

⁶Mchana jua halitakuumiza,

wala mwezi wakati wa usiku.

⁷Mwenyezi-Mungu atakukinga na baya lolote;

atayalinda salama maisha yako.

⁸Mwenyezi-Mungu atakulinda katika shughuli zako zote[#121:8 Kiebrania neno kwa neno ni “uingiapo na utokapo” fungu la maneno lenye maana ya matendo ya mtu kwa jumla.]

tangu sasa na hata milele.