Tendo kuu la Yonatani la kuwashinda Wafilisti.

¹Siku moja Yonatani, mwanawe Sauli, akamwambia kijana aliyemchukulia mata yake: Njoo, twende, tuwashambulie wale Wafilisti wanaongoja zamu hapo ng'ambo! Lakini baba yake hakumwambia.

²Naye Sauli alikuwa akikaa kwenye mpaka wa Gibea chini ya mkomamanga ulioko Migroni, nao watu waliokuwa naye walikuwa kama 600 tu.

³Naye Ahia, mwana wa Ahitubu, ndugu ya Ikabodi, mwana wa Pinehasi, mwana wa Eli aliyekuwa mtambikaji wa Bwana huko Silo, ndiye aliyevaa kisibau cha mtambikaji. Hata watu hawakujua, ya kuwa Yonatani amekwenda zake.[#1 Sam. 4:19,21.]

⁴Napo magemani, Yonatani alipotafua njia ya kupitita, afike kwa Wafilisti waliongoja zamu hapo, palikuwa na jino la mwamba upande wa huku na jino jingie la mwamba upande wa huko, jina lake moja ni Bosesi, jina lake la pili Sene.

⁵Genge moja likasimama sawa upande wa kaskazini kuelekea Mikimasi, la pili upande wa kusini kuelekea Geba.

⁶Yonatani akamwambia kijana aliyemchukulia mata: Haya! Twende, tuwavumbukie hao wamizimu wasiotahiriwa wanaongoja zamu! Labda Bwana atatupigania, kwani Bwana hashindwi na kuokoa, ikiwa anatumia wengi au wachache.[#Amu. 7:7; 2 Mambo 14:11.]

⁷Mchukua mata yake akamwambia: Yafanye yote yaliyomo moyoni mwako! Jielekeze kwenda kwao! Tazama, niko pamoja na wewe po pote, moyo wako unapotaka.

⁸Yonatani akasema: Tazama! Tukipita kwenda kwao hao watu, tutaonwa nao.

⁹Itakapokuwa, watuambie: Simameni, mpaka tuwafikie karibu! tutasimama hapo chini, tusiwapandie;

¹⁰lakini itakapokuwa, watuambie: Tupandieni! basi, tutapanda, kwani Bwana amewatia mikononi mwetu. Hiki kitakuwa kielekezo chetu.

¹¹Walipowaonekea Wafilisti waliongoja zamu, Wafilisti wakasema: Tazameni! Waebureo wametoka mashimoni, walimokuwa wamejificha.

¹²Wale watu wa zamu wakaanza kusema naye Yonatani na mchukua mata yake wakiwaambia: Tupandieni, tuwajulishe neno! Ndipo, Yonatani alipomwambia mchukua mata yake: Panda nyuma yangu! Kwani Bwana amewatia mikononi mwa Waisiraeli.

¹³Yonatani akapanda na kutumia mikono na miguu yake, naye mchukua mata yake nyuma yake. Kisha wakaangushwa na Yonatani, naye mchukua mata yake akamaliza kuwaua nyuma yake.[#3 Mose 26:7-8.]

¹⁴Hivyo hili pigo la kwanza, alilolipiga Yonatani na mchukua mata yake, liliua watu kama 20, napo mahali pale palikuwa kama nusu tu ya shamba linalolimwa na ng'ombe wawili siku moja.

¹⁵Ndipo, watu wote walipostushwa waliokuwako makambini na mashambani, waliongoja zamu nao waliotembea kuangamiza tu, hao nao wakastushwa kweli, kwani hata nchi ilikuwa imetetemeka, wakawa wakimstukia Mungu.

¹⁶Nao walinzi wa Sauli waliokuwa huko Gibea wa Benyamini walikuwa wakichungulia, mara wakaona, huo mtutumo wa watu ulivyotoweka, wakienda huko na huko.

¹⁷Nipo, Sauli alipowaambia watu waliokuwa naye: Wakagueni watu, mwone, kama ni wa nani walioondoka kwetu. Walipowakagua watu wakaona, Yonatani na mchukua mata yake hawako.

¹⁸Kisha Sauli akamwambia Ahia: Lilete Sanduku la Mungu! Kwani Sanduku la Mungu lilikuwako siku hiyo kwao wana wa Isiraeli.[#1 Sam. 4:3.]

¹⁹Ikawa, Sauli aliposema na mtambikaji, makelele yaliyoko makambini kwa Wafilisti yakaendelea kuzidi sana; ndipo, Sauli alipomwamba mtambikaji: Urudishe mkono wako!

²⁰Sauli na watu waliokuwa naye wakaitana; walipofika penye mapigano wakaona, ya kuwa wanapigana wao kwa wao kwa panga, kila mtu na mwenziwe, kukawa hangaiko kubwa sana.[#Amu. 7:22; 2 Mambo 20:23.]

²¹Kwani kwao Wafilisti kulikuwako Waebureo waliotekwa kale, nao walikuwa wamepanda nao kukaa makambini; nao waligeuka, wawe upande wa Waisiraeli pamoja na Sauli na Yonatani.

²²Hata Waisiraeli wote waliojificha mlimani kwa Efuraimu waliposikia, ya kuwa Wafilisti wamekimbizwa, wakaja kuandamana nao wenye kuwafukuza Wafilisti vitani.

²³Hivyo Bwana akawaokoa Waisiraeli siku hiyo; nayo mapigano yakaendelea kufika hata Beti-Aweni.

Sauli anazidi kuwahimiza Waisiraeli kupita kiasi.

²⁴Siku hiyo watu wa Waisiraeli wakachoka sana, lakini Sauli akawaapisha kwamba: Na aapizwe kila mtu atakayekula chakula mpaka jioni, nipate kuwalipiza adui zangu! Kwa hiyo hakuna mtu aliyeonja chakula

²⁵Watu wote wa huko walipoingia mwituni, basi, kukawa na asali huko porini.

²⁶Watu wote walipoingia mle mwituni, wakaona, asali inavyomwagika, lakini hakuwako mtu aliyeukunjua mkono wake kuipeleka kinywani mwake, kwani watu walikiogopa hicho kiapo.

²⁷Lakini Yonatani hakusikia, baba yake alipowaapisha watu, kwa hiyo akaipeleka ncha ya fimbo yake, aliyoishika mkononi, akaichovya katika ute wa masega ya asali, akaurudisha mkono wake kinywani mwake; ndipo, macho yake yalipong'aa.

²⁸Mtu mmoja akaanza kusema na kumwambia: Baba yako amewaapisha watu kwamba: Na aapizwe kila mtu atakayekula chakula leo! Watu walipotaka kuzimia,

²⁹Yonatani akasema: Baba yangu anaiponza nchi hii. Nitazameni, macho yangu yanavyong'aa kwa kuwa nimeionja asali hii kidogo tu!

³⁰Kama watu wangalikula leo nyara za adui zao, walizoziona, wangezidisha kazi, lakini sasa mapigo yao ya kuwapiga Wafilisti si mengi sana.

³¹Siku hiyo wakawapiga Wafilisti toka Mikimasi hata Ayaloni, kisha wakawa wenye kuzimia kabisa.

³²Ndipo, watu walipozirukia hizo nyara, wakachukua mbuzi na kondoo na ng'ombe na ndama, wakawachinja papo hapo, nao watu wakawala pamoja na damu.[#3 Mose 3:17.]

³³Wengine walipompasha Sauli habari kwamba: Watu wanamkosea Bwana wakila nazo damu, akasema: Mwavunja maagano! Sasa hivi fingirisheni jiwe kubwa, lije huku kwangu!

³⁴Kisha Sauli akaagiza: Tawanyikeni katika watu na kuwaambia, kila mtu alete ng'ombe wake na mbuzi au kondoo wake huku kwangu, mwachinje hapa! Kisha mtawala pasipo kumkosea Bwana kwa kula damu. Ndipo, watu wote walipopeleka usiku huo kwa mikono yao kila mtu ng'ombe wake, wakawachinja hapo.

³⁵Naye Sauli akajenga pa kumtambikia Bwana; hii ndio mara ya kwanza akimjengea Bwana pa kumtambikia.

³⁶Sauli akasema: Na tutelemke kuwafukuza Wafilisti na usiku, tupate kuteka mateka kwao, mpaka kuche, tusisaze kwao mtu hata mmoja! Watu wakasema: Yote yaliyo mema machoni pako yafanye! Lakini mtambikaji akasema: Kwanza tumkaribie Mungu hapa!

³⁷Ndipo, Sauli alipomwuliza Mungu: Nitelemke kuwafukuza Wafilisti? Hukuwatia mikononi mwa Waisiraeli? Lakini siku hiyo hakumjibu.[#1 Sam. 14:18; 23:9.]

³⁸Ndipo, Sauli aliposema: Njoni hapa, ninyi wakuu wote mnaosimama pembeni kwa watu! Haya! Vumbueni, mwone, kama huku liko kosa gani lililofanyika leo!

³⁹Hivyo, Bwana aliyewaokoa Waisiraeli alivyo Mwenye uzima, ijapo awe mwanangu Yonatani mwenyewe, hana budi kuuawa kabisa! Kwao watu wote hakuna aliyejibu.

⁴⁰Kisha akawaambia Waisiraeli wote: Ninyi mwe upande mmoja, mimi nami na mwanagu Yonatani tuwe upande mmoja! Watu wakamwambia Sauli: Yaliyo mema machoni pako yafanye!

⁴¹Kisha Sauli akamwambia Bwana Mungu wa Isiraeli: Yaumbue yaliyokwisha kufanywa! Wakashikwa Yonatani na Sauli, nao watu wakapona.[#1 Sam. 10:20.]

⁴²Sauli akasema: Nipigieni kura mimi na mwanangu Yonatani! Akashikwa Yonatani.

⁴³Ndipo, Sauli alipomwambia Yonatani; Niambie! Umefanya nini? Yonatani akamsimulia kwamba: Nimeonja asali kidogo kwa ncha ya fimbo yangu, niliyoishika mkononi, sasa basi, nitakufa.[#Yos. 7:19.]

⁴⁴Sauli akasema: Mungu na anifanyizie hivi na hivi, wewe Yonatani usipokufa kweli!

⁴⁵Ndipo, watu walipomwambia Sauli: Je? Yonatani atakufa namna gani? Siye aliyewapatia Waisiraeli wokovu huu mkubwa? Hili na lituendee mbali! Hivyo, Bwana alivyo Mwenye uzima, unywele mmoja tu hautaanguka chini na kutoka kichwani pake! Ndivyo, watu walivyomwokoa Yonatani, asife.

⁴⁶Kisha Sauli akaacha kuwafuata Wafilisti, akapanda kwenda zake; nao Wafilisti wakaenda zao kwao, walikokaa.

Vita, Sauli alivyovipiga.

⁴⁷Sauli alipoutwaa ufalme wa Waisiraeli akawapelekea vita adui zake wote waliokaa na kumzunguka: Wamoabu na wana wa Amoni na Waedomu na wafalme wa Soba na Wafilisti, napo pote, alipojielekezea, akawapatiliza vibaya.

⁴⁸Hivyo akaendelea kupata nguvu, akawapiga Waamaleki, akawaponya Waisiraeli mwao waliowanyang'anya mali zao.

Mlango wa Sauli.

⁴⁹Wana wa Sauli walikuwa Yonatani na Iswi na Malkisua; wanawe wawili wa kike wa kwanza jina lake ni Merabu, naye mdogo ni Mikali.[#1 Mambo 9:39.]

⁵⁰Naye mkewe Sauli jina lake ni Ahinoamu, binti Ahimasi, nalo jina la mkuu wa vikosi vyake ni Abineri, mwana wa Neri aliyekuwa baba mdogo wa Sauli,[#1 Sam. 17:55.]

⁵¹kwani Kisi, babake Sauli, na Neri, babake Abineri, walikuwa wana wa Abieli.

⁵²Vita vya kupigana na Wafilisti vikawa vikali siku zote za Sauli. Kwa hiyo kila mtu, Sauli aliyemwona kuwa fundi wa vita, na kila mtu mwenye nguvu akamchukua kuandamana naye.