Anwani.

¹Mimi Paulo niliye mtume wa Kristo Yesu kwa agizo lake Mungu aliye mwokozi wetu na kwa agizo lake Kristo Yesu aliye kingojeo chetu[#Kol. 1:27.]

²nakuandikia, wewe Timoteo uliye mwanangu wa kweli kwa hivyo, unavyomtegemea Mungu. Upole ukukalie na huruma na utengemano unaotoka kwa Mungu Baba na kwa Bwana wetu Kristo Yesu![#Tume. 16:1-2; Tit. 1:4.]

Upendano ufaao.

³Hapo, nilipokwenda Makedonia nilikuagiza wewe kukaa Efeso, uwakataze wengine, wasifundishe menginemengine,[#Tume. 20:1.]

⁴wala wasishikamane na masimulio yasiyo ya kweli wala na mambo ya mashina ya koo za kale yasiyokoma. Haya huleta mabishano, lakini hayaufalii utunzaji wa Mungu wa kuwatunza wenye kumtegemea.[#1 Tim. 4:7.]

⁵Lakini agizo hilo linatimia, wakipendana kwa mioyo itakatayo, ijuayo yaliyo mema tu, imtegemeayo Mungu kwa kweli pasipo ujanja.[#Mat. 22:37-40; Rom. 13:10; Gal. 5:6.]

⁶Wengine wameikosa mioyo iliyo hivyo, wakapotelea katika maneno ya upuzi;[#1 Tim. 6:4,20.]

⁷walitaka kuwa wafunzi wa Maonyo, lakini hawajui, wala wasemayo, wala wabishayo.

⁸Twajua, ya kuwa maonyo ni mazuri, mtu akiyatumia kujionya[#Rom. 7:12; Gal. 5:18-23.]

⁹kwa kujua kwamba: Mwongofu siye aliyetolewa Maonyo, ila waliotolewa ndio wapotovu nao wasiotii nao wasiomcha Mungu nao wakosaji nao wachafu nao wabezi nao wauao baba zao nao wauao mama zao nao wauao wenzao

¹⁰nao wagoni nao walalanao nao wauzao watu nao waongo nao waapao viapo vya uwongo, na kama wako wengine wafanyao neno jingine lisilopatana na ufundisho uwapao watu uzima.[#1 Tim. 6:3.]

¹¹Hivyo ndivyo, tulivyofundishwa na Utume mwema wa utukufu wake Mungu anayeshangiliwa; nami nimepewa kuutangaza.[#1 Tim. 6:15.]

¹²Namshukuru Bwana wetu Kristo Yesu aliyenitia nguvu, akaniona kuwa mwelekevu, akanipa utumishi mimi[#Tume. 9:1-15; 1 Kor. 15:9-10; Gal. 1:13-16.]

¹³niliyekuwa kale mwenye kuwatukana na kuwafukuza na kuwakorofisha walio wake. Lakini nilihurumiwa, kwani naliyafanya pasipo kujua maana, kwani nilikuwa sijamtegemea Bwana.

¹⁴Lakini mema, Bwana wetu aliyonigawia, yakawa mengi mno, nikapata kwake Kristo Yesu kumtegemea na kumpenda.

¹⁵Neno hili ni la kweli, nalo linapasa kushikwa na watu wote la kwamba: Kristo Yesu alikuja ulimwenguni kuokoa wakosaji, ambao mimi ni wa kwanza wao,[#Luk. 19:10.]

¹⁶lakini nilihurumiwa, kusudi Kristo Yesu aonyeshe kwanza kwangu mimi uvumilivu wote, niwe kielezo chao watakaomtegemea, waupate uzima wa kale na kale.

¹⁷Mungu aliye peke yake mfalme wa kale na kale, asiye na kikomo, asiyeonwa na macho ya watu, aheshimiwe na kutukuzwa kale na kale pasipo mwisho! Amin.*[#Rom. 16:27.]

¹⁸Mwanangu Timoteo, kwa ajili ya maneno ya ufumbuaji, uliyosemewa kale, nakupa agizo hili, uyashindanie mashindano mazuri[#1 Tim. 1:5; 6:12; Yuda 3.]

¹⁹ukiwa mwenye kumtegemea Mungu na wenye moyo ujuayo yaliyo mema tu. Wengine waliutupa moyo ulio hivyo, kwa hiyo nazo nguvu zao za kumtegemea Mungu zikatota;[#1 Tim. 3:9; 6:10.]

²⁰miongoni mwao wamo Himeneo na Alekisandro; hawa nimewatoa, Satani awashike, waonyeke, wasimbeze Mungu tena.[#1 Kor. 5:5; 2 Tim. 2:17.]