Anwani.

¹Mimi mzee nakuandikia wewe, mke mkuu uliyechaguliwa, hata watoto wako, ninaowapenda kweli. Lakini si mimi tu ninayewapenda kweli, ila hata wote waliyoyatambua yaliyo ya kweli.[#1 Petr. 5:1; 3 Yoh. 1.]

²Tunawapenda kwa ajili ya kweli ikaayo mwetu, nasi tutakuwa nayo kale na kale.

³Upole na huruma na utengemano unaotoka kwa Mungu Baba na kwa Yesu Kristo aliye mwana wa Baba utukalie, tupendane kweli!

Kuwaepuka wapotevu.

⁴Nalifurahi sana kwa kuona, wengine walio watoto wako wanavyoishika njia ya kweli, kama tulivyoagizwa na Baba.

⁵Hata sasa nakuomba, mke mkuu tupendane; si kama nitakuandikia agizo jipya, ni lilelile, tulilokuwa nalo tangu mwanzo.[#1 Yoh. 2:7.]

⁶Nako kupendana ni huko, tukifanya mwenendo, kama alivyotuagiza. Hilo ndilo agizo lake, kama mlivyosikia tangu mwanzo, mwendelee na kulifuata.

⁷Kwani wapotevu wengi wametokea ulimwenguni wasioungama kwamba: Yesu Kristo amekuja mwenye mwili wa kimtu. Aliye hivyo ni mpotevu na mpinga Kristo.[#1 Yoh. 2:18; 4:1-3.]

⁸Jiangalieni, msiyapoteze mapato ya kazi zenu, ila mpewe mshahara wote![#Gal. 4:11.]

⁹Kila anayesogeza mpaka, asikae penye mafundisho ya Kristo, hanaye Mungu; anayekaa penye mafundisho huyu anaye Baba hata Mwana.[#1 Yoh. 2:23.]

¹⁰Mtu akija kwenu asiyeyaleta mafundisho haya, msimpokee nyumbani mwenu, wala salamu msimpe![#2 Tes. 3:6.]

¹¹Kwani mwenye kumsalimia huwa mwenziwe wa kazi zake mbaya.

¹²Ninayo mengi ya kuwaandikia ninyi, lakini sikutaka kuyamaliza kwa karatasi na wino, ila nangojea kwamba: Nitakuja kwenu na kusema nanyi kinywa kwa kinywa, furaha yetu itimie.[#3 Yoh. 13.]

¹³Watoto na dada yako aliyechaguliwa naye wanakusalimu. Amin.