Askari mwema wa Kristo.

¹Basi wewe mwanangu, ujipatie nguvu, tunazogawiwa tukiwa wake Kristo Yesu!

²Nayo mambo, uliyoyasikia kwangu mbele yao wengi waliosikiliza, hayo uwalimbikishe watu welekevu watakaoweza kufundisha hata wengine.

³Vumilia ukiteswa vibaya pamoja nami, kama inavyompasa askari mzuri wa Kristo Yesu![#2 Tim. 1:8; 4:5-8.]

⁴Hakuna askari wa kwenda vitani anayejitia katika machumo ya pamba, ampendeze yule mwenye vita.

⁵Lakini mtu angawa anashindana, hafungwi kilemba asiposhinda kikweli.[#2 Tim. 4:8.]

⁶Mkulima ajisumbuaye na kulima imempasa kuyalimbua matunda.[#1 Kor. 9:7.]

⁷Itambue maana yao, nisemayo! Kwani Bwana atakupa utambuzi katika mambo yote.

⁸*Mkumbuke Yesu Kristo aliyefufuliwa katika wafu, aliyezaliwa katika uzao wa Dawidi, kama nilivyoutangaza Utume mwema.[#2 Sam. 7:12; 1 Kor. 15:4,20.]

⁹Kwa ajili yake nateseka vibaya, mpaka nikifungwa kama mwenye maovu, lakini Neno la Mungu halifungiki.[#Ef. 3:1,13; Fil. 1:12-14; 2:17.]

¹⁰Kwa hiyo nayavumilia yote kwa ajili yao waliochaguliwa, kwamba nao waupate wokovu uliomo mwake Kristo Yesu, wafike penye utukufu wa kale na kale.[#Kol. 1:24.]

¹¹Neno hili ni la kweli: Kama tumekufa pamoja naye;[#2 Kor. 4:11.]

¹²kama twavumilia pamoja naye, tutatawala pamoja naye; kama tutakana kwamba: Hatu wake, naye atatukana sisi;[#Mat. 10:33.]

¹³kama hatumtegemei, yeye hufuliza kuwa mwelekevu, kwani hawezi kujikana mwenyewe.*[#4 Mose 23:9; Rom. 3:2-3.]

Kuepusha wapuzi.

¹⁴Wakumbushe mambo hayo na kuwaonya mbele yake Mungu, wasibishane! Maana haifai kitu, huwapotoa tu wenye kusikiliza.[#1 Tim. 6:4; Tit. 3:9.]

¹⁵Jipingie kujitokeza kwa Mungu kuwa mfanya kazi aliye wa kweli, asiyefanya mambo yenye soni, anayelilinganisha vema neno la kweli, atakalogawia watu![#1 Tim. 4:6; Tit. 2:7-8.]

¹⁶Lakini penye upuzi wa bure usio na maana uepuke! Kwani wako watakaoendesha mambo ya kumbeza Mungu,[#1 Tim. 4:7.]

¹⁷nalo neno lao litaambukiza kama ukoma; miongoni mwao hao wamo Himeneo na Fileto[#1 Tim. 1:20.]

¹⁸waliopotelewa nayo yaliyo ya kweli wakisema: Ufufuko umekwisha kuwapo. Ndivyo, walivyokosesha hata wengine, wasimtegemee Bwana tena.

¹⁹Lakini msingi, Mungu aliouweka, uko, umeshupaa vivyo hivyo, hujulikana kwa muhuri yake, ni hii: Bwana huwatambua walio wake! Tena: Kila mwenye kulitambikia Jina la Bwana atenguke penye upotovu![#4 Mose 16:5; Yoh. 10:14,27.]

²⁰Katika nyumba kubwa hamna vyombo vya dhahabu au vya fedha tu, ila vimo hata vyombo vya miti na vya udongo; navyo vingine ni vya mapambo, vingine ni vya machafu.

²¹Mtu akiwaepuka wale watu, asijichafue, atakuwa chombo cha pambo kilichotakaswa, naye mwenye nyumba atakitumia, maana kimefalia kazi zote zilizo njema.

Kuzikimbia tamaa.

²²Tamaa za ujana zikimbie, ukimbilie kupata wongofu na kumtegemea Mungu na kupendana na kupatana nao wote wanaomtambikia Bwana kwa mioyo itakatayo![#1 Tim. 6:11.]

²³Lakini mabishano ya upuzi wa watu wasioonyeka yakatae! Jua, ya kuwa huleta magombano tu![#1 Tim. 4:7.]

²⁴Lakini aliye mtumwa wa Bwana haimpasi kugombana, sharti awaendee wote kwa unyenyekevu akijua kuwafundisha, akivumilia wenye uovu.[#Tit. 1:7.]

²⁵Akiwa mpole hivyo ataweza kuwaonya wapingani nao, kama Mungu anawajutisha, wayatambue yalio ya kweli;

²⁶kisha watalevuka, wajinasue matanzini mwa Msengenyaji, ambaye walinaswa naye, wamfanyizie, ayatakayo yeye.