Mashindano ya Kikristo.

¹Namtaja Mungu naye Kristo Yesu atakayewahukumu wanaoishi hata waliokufa, awe shahidi, nikikuagiza haya: Kwa hivyo, atakavyotokea, ausimike ufalme wake,[#1 Petr. 4:5.]

²litangaze Neno! Fuliza hivyo, pafaapo napo pasipofaa! Waonyeshe ubaya wao, wagombeze, wakanye ukiwaendea kna uvumilivu wote pamoja na kuwafundisha![#Tume. 20:20,31.]

³Kwani siku zinakuja, watakapoukataa ufundisho utupao uzima, ila kwa hivyo, watakavyozifuata tamaa zao wenyewe, watajitafutia wafunzi wengi wa kuwafundisha yapendezayo masikioni pao.[#2 Tim. 1:13; 1 Tim. 4:1.]

⁴Nao watajigeuza, wasiyasikilize tena yaliyo ya kweli, wayageukie yalio masimulio tu.[#1 Tim. 4:7; 2 Tes. 2:11.]

⁵*Lakini wewe levuka katika mambo yote! Vumilia ukiteswa vibaya! Fanya kazi ya mpiga mbiu njema! Utimize utumishi wako![#2 Tim. 2:3.]

⁶Kwani mimi pamenifikia, niwe ng'ombe ya tambiko, nayo siku yangu ya kufunguliwa kutoka ulimwenguni iko karibu.[#Fil. 2:17.]

⁷Nimelishindania shindano zuri, nimeimaliza mbio, sikuacha kumtegemea Bwana.[#1 Kor. 9:25; Fil. 3:14; 1 Tim. 6:12.]

⁸Lisaalo ni kufungwa kilemba kipasacho waongofu, nilichowekewa nami Siku ile nitakipata kwake Bwana aliye mhukumu mwenye kweli; lakini si mimi tu atakayekipata, ila nao wote waliokuwa wamempenda, atokee waziwazi.*[#2 Tim. 2:5; Mat. 25:21; Yak. 1:12; 1 Petr. 5:4; Ufu. 2:10.]

Habari nyinginenyingine.

⁹Jikaze, ufike kwangu upesi![#2 Tim. 1:4; 4:21.]

¹⁰Kwani Dema ameniacha, kwa kuyapenda mambo ya dunia hii akaenda zake Tesalonike. Kreske amekwenda zake Galatia, Tito amekwenda zake Dalmatia.[#Kol. 4:14.]

¹¹Luka peke yake yuko pamoja nami. Mchukue Marko, uje pamoja naye! Kwani hunitumikia vizuri sana.[#Tume. 15:37; Kol. 4:10.]

¹²Tikiko nalimtuma Efeso.[#Tume. 20:4; Ef. 6:21; Kol. 4:7.]

¹³Utakapokuja ulete na lile joho gumu, nililoliacha huko Tiroa kwa Karpo! Vilete hata vile vitabu! Nivitakavyo sana, ni vile vya ngozi.

¹⁴Alekisandro, yule mfua shaba amenifanyia maovu mengi; Bwana atamlipa, kama matendo yake yalivyo.[#2 Sam. 3:39; Sh. 28:4; 1 Tim. 1:20.]

¹⁵Hata wewe ujilinde kwa ajili ya mtu huyo, kwani ameyapinga sana maneno yetu.

¹⁶Nilipojikania mara ya kwanza, hakuwapo hata mmoja aliyesimama upande wangu, wote waliniacha. Wasihesabiwe jambo hili![#2 Tim. 1:15.]

¹⁷Lakini Bwana alisimama upande wangu, akanipa nguvu, maana alitaka, ile mbiu itimizwe nami mimi, wamizimu wote wapate kuisikia. Nami nikaokolewa kinywani mwa simba.[#Tume. 23:11; 27:23.]

¹⁸Naye Bwana akaniokoa katika mambo mabaya yo yote, nipone, niingie katika ufalme wake wa mbinguni. Yeye atukuzwe siku zote kale na kale! Amin.

¹⁹Nisalimie Puriska na Akila walio wa nyumbani mwa Onesifiro![#2 Tim. 1:16; Tume. 18:2; Rom. 16:3.]

²⁰Erasto alisalia Korinto, Tirofimo nalimwacha mgonjwa Mileto[#Tume. 19:22; 20:4; 21:29.]

²¹Jikaze, ufike, siku za kipupwe zitakapokuwa hazijatimia! Wanakusalimu Eubulo na Pude na Lino na Klaudia na ndugu wote.

²²Bwana awe na roho yako! Upole uwakalie ninyi! Amin.