Anwani.

¹Mimi mzee nakuandikia wewe Gayo, mpendwa wangu, ninayempenda kweli.[#2 Yoh. 1.]

Kuwakaribisha wageni kunafaa.

²Mpendwa, kuliko yote nakuombea, ukae vema na kuwa mzima, kama roho yako inavyokaa vema.

³Kwani nalifurahi sana, ndugu walipokuja na kutushuhudia, kuwa u mwenye kweli, kama wewe unavyoishika njia ya kweli.[#2 Yoh. 4.]

⁴Hakuna linalonifurahisha kuliko lile la kusikia, ya kuwa watoto wangu huishika njia ya kweli.

⁵Mpendwa, u mwelekevu katika yote, unayowafanyia ndugu walio wageni.

⁶Nao walikushuhudia mbele ya wateule, unavyowapenda. Kwa hiyo utafanya vizuri utakapowasindikiza, kama inavyowapasa walioko mbele ya Mungu.[#Rom. 15:24; Tit. 3:13.]

⁷Kwani walitoka kulitangaza Jina lake tu, hawataki kupewa cho chote kwa watu wa kimizimu.[#Tume. 20:35; 1 Kor. 9:12,15.]

⁸Nasi imetupasa kuwapokea watu kama hao, tusaidiane kufanya kazi za kweli.[#Ebr. 13:2.]

Diotirefe na Demetirio.

⁹Yako mengine, niliyoyaandikia wateule. Lakini Diotirefe anayependa kuwa mkubwa wao hatusikii sisi.

¹⁰Kwa hiyo nitakapokuja nitazikumbusha kazi zake, anazozifanya akituteta sisi kwa maneno mabaya. Nayo hayo hayamtoshi: mwenyewe hawapokei ndugu, nao wanaotaka kuwapokea huwazuia, kisha huwafukuza kwenye wateule.

¹¹Mpendwa, usiuige uovu, ila uuige wema! Anayefanya yaliyo mema ni wa Kimungu; anayefanya yaliyo maovu hakumwona Mungu.[#1 Yoh. 3:6,9.]

¹²Lakini Demetirio hushuhudiwa nao wote, naye hushuhudiwa kweli. Hata sisi twamshuhudia, nawe wajua, ya kuwa ushahidi wetu ni wa kweli.[#Yoh. 19:35; 21:24.]

¹³Nalikuwa nayo mengi ya kukuandikia, lakini sitaki kukuandikia tu kwa wino na kalamu,[#2 Yoh. 12.]

¹⁴ila nangojea, nikuone upesi, tusemeane kinywa kwa kinywa.

¹⁵Utengemano ukukalie! Wapenzi wanakusalimu. Nisalimie wapenzi kila kwa jina lake!