Wakuu wa Yuda na wa Samaria watapatilizwa.

¹Yatawapata watuliao Sioni nao wajivuniao mlima wa

Samaria,

ndio wakuu wa taifa lililo la kwanza,

nao walio mlango wa Isiraeli huwaendea!

²Haya! Nendeni Kalne, mkatazame!

Tena tokeni huko kwenda Hamati ulio mji mkuu!

Kisha shukeni Gati kwa Wafilisti, mwone!

Je? Ninyi m wema kuliko watu wa nchi hizo za kifalme?

Je? Mipaka yao siyo mikubwa kuliko mipaka yenu?

³Siku mbaya mnaiwazia kuwa mbali bado,

lakini kao la makorofi mnalileta kuwa karibu.

⁴Ninyi hulalia vitanda vya pembe za tembo

na kujinyosha katika magodoro yenu mororo!

Hula wana kondoo mkiwatoa makundini,

nao ndama mkiwatoa mazizini!

⁵Hujipigia mapango, tena hujitungia vinanda vinginevyo

kama Dawidi.

⁶Hunywa mvinyo katika mabakuli, tena hujipaka marashi

yapitayo yote;

lakini hivyo, Yosefu alivyovunjwa, haviwaumizi.

⁷Kwa hiyo watatekwa sasa na kuhamishwa, waende mbele ya

mateka;

ndipo, yatakapokomea makelele ya michezo yao

waliojinyosha hivyo.

⁸Ndivyo, asemavyo Bwana Mungu Mwenye vikosi:

Bwana Mungu ameapa rohoni mwake kwamba:

Majivuno ya Yakobo hunitapisha, nikachukizwa na majumba

yake,

kwa sababu hii nitautoa huo mji pamoja nayo yote yaliyomo

mwake.

⁹Itakuwa, waume kumi watakaposazwa katika nyumba moja,

watakufa.

¹⁰Ndugu ya mtu apaswaye na kumteketeza mwenziwe

akimchukua, aitoe mifupa yake nyumbani,

kama anamwuliza aliomo nyumbani ndani: Yumo, uliye naye

humu?

atamjibu: Wamekwisha kufa!

Ndipo, atakapomwambia: Nyamaza kimya!

Kwani haifai kulikumbusha Jina la Bwana.

¹¹Kwani mtaona: Bwana akiagiza,

ndipo, watakapozipiga nyumba kubwa, hata zibomoke,

nazo nyumba ndogo, hata ziatuke nyufa.

¹²Je? Farasi hupiga mbio mwambani? Au mtu atapalima na

ng'ombe?

Kwani mashauri yaliyo sawa mmeyapotoa, yawe maji ya

nyongo,

nayo yaliyotengenezwa, yaongoke, mmeyapotoa, yawe

uchungu.

¹³Mwafurahia kisicho kitu na kusema:

Hatukujipatia pembe kwa uwezo wetu sisi?

¹⁴Kwa hiyo ndivyo, asemavyo Bwana Mungu Mwenye vikosi:

Mtaniona, nikiwainulia taifa ninyi mlio mlango wa Isiraeli;

ndio, watakaowasonga ninyi kuanzia penye njia ya kwenda Hamati,

kufikisha penye mto wa nyikani.