Wimbo wa shukrani wa Wasioni waliookoka.

¹*Nakushukuru, Bwana, ya kuwa ulinichafukia,

kwani machafuko yako yamegeuka, ukanituliza moyo.

²Mtazamieni Mungu aniokoaye!

Pasipo woga wo wote ninamngojea,

kwani Bwana ni nguvu yangu na shangilio langu,

yeye Bwana ndiye aniokoaye.

³Kwa furaha mtachota maji visimani kwenye wokovu.[#Sh. 46:5; Zak. 13:1.]

Mshukuruni Bwana, nalo Jina lake litambikieni!

Yajulisheni makabila ya watu matendo yake!

Wakumbusheni kwamba: Jina lake ni boma!

⁵Mshangilieni Bwana! Kwani hufanya makuu.

Hayo sharti yajulikane katika nchi zote!

⁶Pigeni shangwe na vigelegele, ninyi mkaao Sioni!

Kwani aliye mkuu kwenu katikati ndiye Mtakatifu wa Isiraeli.*