Yeremia anautuliza moyo wa Baruku.

¹Hili ndilo neno, mfumbuaji Yeremia alilomwambia Baruku, mwana wa Neria, alipoyaandika maneno haya katika kitabu, Yeremia akiyasema kwa kinywa chake, katika mwaka wa nne wa Yoyakimu, mwana wa Yosia, mfalme wa Yuda, akimwambia:[#Yer. 36:4.]

²Hivi ndivyo, Bwana Mungu wa Isiraeli anavyokuambia Baruku:

³Unasema: Yamenipata, kwani Bwana anayaongeza maumivu yangu na kunitia majonzi! Nimechoka kwa kupiga kite, sioni pa kutulia.

⁴Utamwambia hivyo: Hivi ndivyo, Bwana anavyosema: Unaniona mimi, ninavyoyabomoa, niliyoyajenga, ninavyoyang'oa, niliyoyapanda! Vinakuwa hivyo katika nchi yote nzima.

⁵Inakuwaje, wewe ukijitakia mambo makuu? Usijitakie hayo! Unaniona, ninavyowaletea mabaya wote wenye miili ya nyama, ndivyo, asemavyo Bwana; lakini wewe nitakupa roho yako kuwa pato lako mahali po pote, utakapokwenda.[#Yer. 39:18; 43:6.]