Asiyemcha Mungu huangamia, amchaye hupona.

¹Haya! Ita, kama yuko mtu anayekuitikia! Kwao walio watakatifu utamtokea nani?

²Kwani majonzi humwua mjinga, nao wivu humwua mpuzi.

³Mimi niliona mjinga, akishusha mizizi, lakini mara sikuwa na budi kuliapiza hilo kao lake.[#Sh. 37:35-36.]

⁴Watoto wake hawakupata wokovu, uliwakalia mbali, Walipowaponda langoni, hakuwako mponya.

⁵Mavuno yake yakaliwa na mwingine aliyekuwa na njaa, akayachukua na kuyatoa penye vitalu, ingawa ni vyenye miiba, nao wenye kiu huzitwetea mali zao.

⁶Kwani upotovu hautoki uvumbini, wala usumbufu hauchipuki hapa nchini,

⁷ila mtu huzaliwa, apate kusumbuka, awe kama cheche za moto zinazoruka juu.

⁸Lakini aliye Mungu mimi ningemtafuta, naye Mungu ningemwambia shauri langu.

⁹Hufanya mambo makuu yasiyochunguzika, vioja vyake havihesabiki:[#Iy. 9:10.]

¹⁰hutoa mvua kuinyesha nchi, ayapatie mashamba maji ya juu.

¹¹Walio wanyenyekevu huwakweza, huwapandisha kuufikia wokovu wao wasikitikao.[#Sh. 75:8; Luk. 1:52.]

¹²Huyatangua mawazo yao walio werevu, mikono yao isiweze kufanya kifaacho.

¹³Nao wenye ubingwa huwakamata kwa werevu wao, mashauri yao wapotovu yaangamie upesi.[#1 Kor. 3:19.]

¹⁴Nao mchana wao huguiwa na giza, wapapasepapase mnamo saa sita, kama ni usiku.[#Yes. 59:9-10.]

¹⁵Ndivyo, anavyowaokoa wamaskini, ukali wa upanga usiwaue, wala mikono ya wenye nguvu isiwashinde.

¹⁶Hivyo ndivyo, kingojeo kinavyomtokea naye mnyonge, lakini uovu hufumbwa kinywa chake.

¹⁷*Tazama! Mwenye shangwe ni mtu, Mungu anayemchapa! Kwa hiyo usikatae kuonywa na Mwenyezi![#Sh. 94:12; Fano. 3:11.]

¹⁸Kweli yeye huumiza, lakini tena huuguza; atakapotia kidonda, mikono yake hukiponya.[#5 Mose 32:39; Hos. 6:1.]

¹⁹Atakuokoa katika masongano sita, yawe hata saba, kisioneke kibaya kitakachokugusa.[#Fano. 24:16.]

²⁰Penye njaa atakukomboa namo kufani, hata vitani atakukomboa mikononi mwao wenye panga.

²¹Penye mapigo ya ndimi za watu utafichika, usiogope hapo napo, mwangamizo utakapokuja;

²²utaucheka mwangamizo, hata njaa, nao nyama wakali wa nchi hutawaogopa.

²³Kwani nayo mawe ya mashambani utapatana nayo, nao nyama wa porini watatengemana huko, uliko.[#Yes. 11:6-9; Hos. 2:18.]

²⁴Ndipo, utakapolijua hema lako kuwa lenye utengemano, napo utakapolitazama kao lako, hutaona kitakachokoseka.

²⁵Tena utayaona mazao yako kuwa mengi, navyo vizazi vya kwako vitakuwa vingi kama majani ya nchi.

²⁶Nguvu zako zitakuwa hazikupunguka, utakapoingia kaburini, kama viganda vinavyoingizwa, mavuno yanapotimia.*

²⁷Tazama! Haya tumeyachunguza kuwa hivyo kweli; yasikie, nawe upate kuyajua moyoni mwako!

Iyobu anajikania.

Iyobu akajibu akisema: