Mambo yatakayokuja.

¹Yesu alipotika Patakatifu akaenda zake. Wakamjia wanafunzi wake, wakamwonyesha majengo ya hapo Patakatifu;

²ndipo, alipojibu akiwaambia: Je? Mwayatazama haya yote? Kweli nawaambiani: Hapa halitaachwa hata jiwe moja juu ya jiwe lenziwe lisiloporomoshwa chini.[#Luk. 19:44.]

³Kisha alipokaa mlimani pa michekele, wanafunzi wakamjia; walipokuwa peke yao wakasema: Tuambie, hayo yatakuwapo lini? Tena kielekezo cha kurudi kwako na cha mwisho wa dunia ni nini?

⁴Yesu akajibu akiwaambia: Angalieni, mtu asiwapoteze!

⁵Kwani wengi watakuja kwa jina langu na kusema: Mimi ni Kristo; nao watapoteza wengi.[#Mat. 24:24; Tume. 5:36-37; 1 Yoh. 2:18.]

⁶Tena mtasikia vita na mavumi ya vita; vitazameni tu, msivihangaikie! Kwani hivyo sharti viwepo, lakini huo sio mwisho.

⁷Kwani watainukiana taifa na taifa, tena wafalme na wenzao wafalme; mahali penginepengine patakuwa na kipundupindu, pengine na njaa, pengine na matetemeko.[#2 Mambo 15:6; Yes. 19:2.]

⁸Lakini hayo yote ni mwanzo tu wa uchungu.

⁹Hapo watatoa ninyi, mpate kuumizwa, hata kuuawa, tena mtachukiwa na makabila yote kwa ajili ya Jina langu.[#Mat. 10:17,22; Yoh. 15:18; 16:2.]

¹⁰Hapo ndipo, wengi watakapokwazwa, watoane wenyewe kila mtu na mwenziwe kwa kuchukiana wao kwa wao.[#Dan. 11:41.]

¹¹Hata wafumbuaji wa uwongo wengi watainuka na kupoteza wengi.[#Mat. 7:15; 2 Petr. 2:1; 1 Yoh. 4:1.]

¹²kwa sababu upotovu utazidi kuwa mwingi, upendo wa wengi utapoa.[#2 Tes. 2:10; 2 Tim. 3:1-5.]

¹³Lakini atakayevumilia mpaka mwisho ndiye atakayeokoka.[#Mat. 10:22; Ufu. 2:10; 13:10.]

¹⁴Nao huu utume mwema wa ufalme wa Mungu utatangawa ulimwenguni mote, uje, unishuhudie kwa wamizimu wote. Kisha ndipo, mwisho utakapokuja.[#Mat. 10:18; 28:19.]

¹⁵*Hapo ndipo, mtakapochafukwa mioyo mkiona, mwangamizaji atapishaye akisimama mahali Patakatifu, kama mfumbuaji Danieli alivyosema; mwenye kupasoma hapa sharti aangalie, ajue maana![#Dan. 9:26-27; 12:11.]

¹⁶Siku zile watakaokuwako Yudea na wakimbilie milimani!

¹⁷Mtu atakayekuwapo nyumbani juu asishuke kuvichukua vilivyomo nyumbani mwake![#Luk. 17:31.]

¹⁸Naye atakayekuwako shambani asirudi nyuma kuichukua nguo yake!

¹⁹Lakini watakaoona vibaya zaidi ndio wenye mimba na wenye kunyonyesha siku zile.

²⁰Lakini ombeni, kukimbia kwenu kusitimie siku za kipupwe wala siku ya mapumziko![#Tume. 1:12.]

²¹Kwani hapo patakuwa na maumivu makuu kuyapita yote yaliyopatikana tangu mwanzo wa ulimwengu mpaka sasa, hata halafu hayatapatikana tena kama hayo.[#Dan. 12:1; Yoe. 2:2.]

²²Nazo siku zile kama hazingalipuinguzwa, hangaliokoka mtu hata mmoja. Lakini kwa ajili ya wale waliochaguliwa siku zile zitapunguzwa.

²³Hapo mtu akiwaambia: Tazama, huyu hapa ni Kristo! au akisema: Yule kule! msiitikie!

²⁴Kwani watainuka makristo wa uwongo na wafumbuaji wa uwongo; nao watatoa vielekezo vikubwa na vioja, wawapoteza hata waliochaguliwa, kama inawezekana.[#Mat. 24:5,11; 5 Mose 13:1-3; 2 Tes. 2:8-9.]

²⁵Tazameni, nimetangua kuwaambia ninyi.

²⁶Basi, watakapowaambia ninyi: Tazameni, yuko jangwani! msitoke kwenda kule! Au: Yule! Yumo nyumbani! msiitikie!

²⁷Kwani kama umeme unavyotoka maawioni, ukamulika mpaka machweoni, ndivyo, kutakavyokuwa kurudi kwake Mwana wa mtu.[#Luk. 17:23-24.]

²⁸Penye nyamafu ndipo, tai watakapokusanyikia.*[#Iy. 39:30; Hab. 1:8; Luk. 17:37.]

²⁹Maumivu ya siku zile yatakapopita, papo hapo jua litakuwa jeusi lenye giza, nao mwezi hautaumulikisha mwanga wake, nazo nyota zitaanguka toka mbinguni, nazo nguvu za mbingu zitatukutishwa.[#Yes. 13:10; 34:4; 2 Petr. 3:10.]

³⁰Hapo ndipo, patakapoonekana mbinguni kielekezo cha Mwana wa mtu. Ndipo, watakapoomboleza wao wa makabila yote ya nchi, watakapomwona Mwana wa mtu, anavyokuja juu ya mawingu toka mbinguni mwenye nguvu na utukufu mwingi.[#Mat. 26:64; Dan. 7:13-14; Zak. 12:10; Ufu. 1:7; 19:11-12.]

³¹Naye atawatuma malaika zake wenye mabaragumu yanayolia sana, wawakusanye waliochaguliwa naye toka pande zote nne, upepo unapotokea, waanzie mwanzoni kwa mbingu, waufikishe mwisho wake.[#5 Mose 30:4; Yes. 27:13; Zak. 2:6; 1 Kor. 15:52; 1 Tes. 4:16; Ufu. 8:1-2.]

³²Jifundisheni mfano kwa mkuyu: matawi yake yanapochipua na kuchanua majani, mnatambua, ya kuwa siku za vuli ziko karibu.

³³Vivyo hivyo nanyi mtakapoyaona hayo yote tambueni, ya kuwa mwisho umewafikia milangoni!

³⁴Kweli nawaambiani: Kizazi hiki hakitakoma, mpaka yatakapokuwapo hayo yote.

³⁵Mbingu na nchi zitakoma, lakini maneno yangu hayatakoma.[#Mat. 5:18; 1 Petr. 1:25.]

³⁶Lakini ile siku na saa yake itakapofikia, mtu hapajui, wala malaika wa mbingu, wala Mwana, ila Baba peke yake tu.[#Tume. 1:7; 1 Tes. 5:1-2.]

³⁷Kama vilivyokuwa siku za Noa, ndivyo kutakavyokuwa kurudi kwake Mwana wa mtu.[#1 Mose 6:7-9,21; Luk. 17:26-27.]

³⁸Kwani siku zile zilizoyatangulia yale mafuriko makubwa ya maji walikuwa wakila, hata wakinywa, wakioa, hata wakiozwa mpaka siku, Nao alipoingia katika chombo kikubwa.[#1 Mose 7:7; 2 Petr. 3:5-6.]

³⁹Hawakuyatambua, mpaka mafuriko makubwa ya maji yakaja, yakawachukua wote pia. Ndivyo, kutakavyokuwa hata kurudi kwake mwana wa mtu.

⁴⁰Hapo wawili watakuwa shambani, mmoja atapokewa, mmoja ataachwa.[#Luk. 17:35-36.]

⁴¹Hapo wawili watakuwa shambani, mmoja atapokewa, mmoja ataachwa.

⁴²Kwa hiyo kesheni! Kwani hamwijui siku, atakapojia Bwana wenu.[#Mat. 25:13; 1 Tes. 5:2.]

⁴³Lakini litambueni neno hili: Kama mwenye nyumba angaliijua zamu, mwizi atakayojia, angalikesha, asiache, nyumba yake ibomolewe.[#Luk. 12:39-46.]

⁴⁴Kwa sababu hiyo nanyi mwe tayari! Kwani Mwana wa mtu atajia saa, msiyomwazia.[#Ufu. 16:15.]

⁴⁵Basi, yuko nani aliye mtumwa mwelekevu na mwerevu, bwana wake akimpa kuwatunza wa nyumbani mwake, awape vyakula, saa yao itakapofika?

⁴⁶Mwenye shangwe ni mtumwa yule, bwana wake atakayemkuta, akifanya hivyo, atakapokuja.

⁴⁷Kweli nawaambiani: Atampa kuzitunza mali zake zote.[#Mat. 25:21,23.]

⁴⁸Lakini mtumwa aliye mwovu atasema moyoni mwake: Bwana wangu anakawia,[#Mbiu. 8:11; 2 Petr. 3:4.]

⁴⁹akaanza kuwapiga watumwa wenziwe na kula na kunywa pamoja na walevi.

⁵⁰Basi, bwana wake mtumwa yule atamjia siku, asiyomngojea, na saa, asiyoitambua,

⁵¹kisha atamchangua kuwa vipande viwili, nalo fungu lake atampa pamoja na wajanja. Ndiko, kitakakokuwa kilio na kukereza meno.[#Mat. 8:12.]