Hesabu ya wapiga vita wa Kiisiraeli.

¹Siku ya kwanza ya mwezi wa pili wa mwaka wa pili baada ya kutoka kwao katika nchi ya Misri Bwana akamwambia Mose katika nyika ya Sinai Hemani mwa Mkutano kwamba:

²Toeni jumla yao wote walio mkutano wa wana wa Isiraeli kwa ndugu zao na kwa milango ya baba zao, mkiyahesabu majina ya wana waume wote kichwa kwa kichwa.

³Kuanzia kwao wenye miaka ishirini na zaidi wewe na Haroni mwakague wote pia wanaoweza kwenda vitani kwao Waisiraeli, kikosi kwa kikosi.

⁴Tena mchukue kuwa nanyi kwa kila shina moja mtu mmoja aliye kichwa chao walio wa mlango wa baba yake.

⁵Nayo haya ndiyo majina yao, ninaowataka, wasimame pamoja nanyi: wa Rubeni Elisuri, mwana wa Sedeuri;

⁶wa Simeoni Selumieli, mwana wa Surisadai;[#2 Mose 6:23.]

⁷wa Yuda Nasoni, mwana wa Aminadabu;

⁸wa Isakari Netaneli, mwana wa Suari;

⁹wa Zebuluni Eliabu, mwana wa Heloni;[#1 Mambo 7:26.]

¹⁰wa wana wa Yosefu: wa Efuraimu Elisama, mwana wa Amihudi, wa Manase Gamulieli, mwana wa Pedasuri;

¹¹wa Benyamini Abidani, mwana wa Gideoni;

¹²wa Dani Ahiezeri, mwana wa Amisadai;

¹³wa Aseri Pagieli, mwana wa Okrani;

¹⁴wa Gadi Eliasafu, mwana wa Deueli;

¹⁵wa Nafutali Ahira, mwana wa Enani.

¹⁶Hawa ndio wateule wa mkutano walio wakuu wa mashina ya baba zao, nao ndio waliokuwa vichwa vya maelfu ya Waisiraeli.

¹⁷Mose na Haroni wakawachukua watu hawa waliotajwa majina yao,

¹⁸wakaukusanya mkutano wote siku ya kwanza ya mwezi wa pili; ndipo, walipoandikwa katika vitabu vya vizazi kwa ndugu zao na kwa milango ya baba zao; yakahesabiwa kichwa kwa kichwa majina yao waliokuwa wenye miaka ishirini na zaidi;

¹⁹kama Bwana alivyomwagiza Mose, ndivyo, alivyowakagua nyikani kwa Sinai.

²⁰Wana wa Rubeni, mwanawe wa kwanza wa Isiraeli, vizazi vyao vya udugu wao na vya milango ya baba zao, yalipohesabiwa majina kichwa kwa kichwa, waume wote wenye miaka ishirini na zaidi, wao wote walioweza kwenda vitani,

²¹jumla yao wa shina la Rubeni walikuwa watu 46500.

²²Wana wa Simeoni, vizazi vyao vya udugu wao na vya milango ya baba zao, walipokaguliwa na kuhesabiwa majina kichwa kwa kichwa, waume wote wenye miaka ishirini na zaidi, wao wote walioweza kwenda vitani,

²³jumla yao wa shina la Simeoni walikuwa watu 59300.

²⁴Wana wa Gadi, vizazi vyao vya udugu wao na vya milango ya baba zao, yalipohesabiwa majina yao wenye miaka ishirini na zaidi, wao wote walioweza kwenda vitani,

²⁵jumla yao wa shina la Gadi walikuwa watu 45650.

²⁶Wana wa Yuda, vizazi vyao vya udugu wao na vya milango ya baba zao, yalipohesabiwa majina yao wenye miaka ishirini na zaidi, wao wote walioweza kwanda vitani,

²⁷jumla yao wa shina la Yuda walikuwa watu 74600.

²⁸Wana wa Isakari, vizazi vyao vya udugu wao na vya milango ya baba zao, yalipohesabiwa majina yao wenye miaka ishirini na zaidi, wao wote walioweza kwenda vitani,

²⁹jumla yao wa shina la Isakari walikuwa watu 54400.

³⁰Wana wa Zebuluni, vizazi vyao vya udugu wao na vya milango ya baba zao, yalipohesabiwa majina yao wenye miaka ishirini na zaidi, wao wote walioweza kwenda vitani,

³¹jumla yao wa shina la Zebuluni walikuwa watu 57400.

³²Wanawe Yosefu wana wa Efuraimu, vizazi vyao vya udugu wao na vya milango ya baba zao, yalipohesabiwa majina yao wenye miaka ishirini na zaidi, wao wote walioweza kwenda vitani,

³³jumla yao wa shina la Efuraimu walikuwa watu 40500.

³⁴Wana wa manase, vizazi vyao vya udugu wao na vya milango ya baba zao, yalipohesabiwa majina yao wenye miaka ishirini na zaidi, wao wote walioweza kwenda vitani,

³⁵jumla yao wa shina la Manase walikuwa watu 32200.

³⁶Wana wa Benyamini, vizazi vyao vya udugu wao na vya milango ya baba zao, yalipohesabiwa majina yao wenye miaka ishirini na zaidi, wao wote walioweza kwenda vitani,

³⁷jumla yao wa shina la Benyamini walikuwa watu 35400.

³⁸Wana wa Dani, vizazi vyao vya udugu wao na vya milango ya baba zao, yalipohesabiwa majina yao wenye miaka ishirini na zaidi, wao wote walioweza kwenda vitani,

³⁹jumla yao wa shina la Dani walikuwa watu 62700.

⁴⁰Wana wa Aseri, vizazi vyao vya udugu wao na vya milango ya baba zao, yalipohesabiwa majina yao wenye miaka ishirini na zaidi, wao wote walioweza kwenda vitani,

⁴¹jumla yao wa shina la Aseri walikuwa watu 41500.

⁴²Wana wa Nafutali, vizazi vyao vya udugu wao na vya milango ya baba zao, yalipohesabiwa majina yao wenye miaka ishirini na zaidi, wao wote walioweza kwenda vitani,

⁴³jumla yao wa shina la Nafutali walikuwa watu 53400.

⁴⁴Hizi ndizo jumla zao, nao waliowakagua ni Mose na Haroni na wale wakuu kumi na wawili wa Waisiraeli waliokuwa kila mmoja wa milango ya baba zao.

⁴⁵Nao wana wa Isiraeli wote wa milango ya baba zao waliokaguliwa kuwa wenye miaka ishirini na zaidi, wao wote walioweza kwenda vitani kwao Waisiraeli,

⁴⁶jumla yao yote walikuwa watu 603550.[#4 Mose 2:32; 2 Mose 12:37.]

⁴⁷Lakini Walawi hawakuhesabiwa katikati yao kwa hivyo, shina la baba zao lilivyokuwa.

Kutengwa kwao Walawi.

⁴⁸Bwana akamwambia Mose kwamba:

⁴⁹Wao wa shina la Lawi usiwakague, wala jumla yao usiitie katika hiyo ya wana wa Isiraeli.[#4 Mose 2:33; 3:15.]

⁵⁰Ila utawaweka Walawi kuliangalia Kao l Ushahidi na vyombo vyake vyote nayo yote yaliyomo. Wao ndio watakaolichukua kao na vyombo vyake vyote, nao ndio watakaolitumikia, nao wakipiga makambi yao, hayo na yalizunguke.[#4 Mose 3:23-38; 4.]

⁵¹Kao litakapoondoka, wao Walawi ndio watakaolishusha chini; tena Kao litakapofika makambini, Walawi ndio watakaolisimamisha; lakini mgeni atakayelikaribia hana budi kuuawa.

⁵²Wana wa Isiraeli watakapopiga makambi, kila mtu na apige hema katika kambi lake penye bendera ya kikosi cha kwao.

⁵³Lakini Walawi na wapige makambi kulizunguka Kao la Ushahidi, makali yangu yasiwajie wao wa mkutano wa wana wa Isiraeli; kwa hiyo Walawi na wangoje zamu ya kuliangalia Kao la Ushahidi.

⁵⁴Wana wa Isiraeli wakayafanya yote; kama Bwana alivyomwagiza Mose, ndivyo, walivyofanya kuwa sawasawa.