Upatanisho.

¹Kwa hiyo, ndugu zangu wapendwa, ninaowatunukia, m furaha yangu na kilemba changu; wapenzi, simameni vivyo hivyo kwake Bwana![#2 Kor. 1:14; 1 Tes. 2:19-20.]

²Namwonya Ewodia, naye Sintike namwonya, wapatane kwa kuwa wake Bwana.

³Nawe, mwenzangu wa kweli, nakuomba, uwasaidie wanawake hao, maana waliupigania Utume mwema pamoja nami na pamoja na Klemensi nao wenzangu wengine wa kazi walioandikiwa majina yao katika kitabu cha uzima.[#Sh. 69:29; Luk. 10:20.]

Furaha ya Kikristo.

⁴*Furahini siku zote kwa kuwa wake Bwana! Nasema tena: Furahini![#Fil. 2:17-18; 3:1; 2 Kor. 13:11.]

⁵Utu wenu ujulikane kwao watu wote! Bwana yuko karibu.

⁶Msisumbukie kitu! Ila mambo yo yote, myatakayo, mmjulishe Mungu mkimwomba na kumbembeleza pamoja na kumshukuru![#Sh. 145:18; Mat. 6:25-34; 1 Petr. 5:7.]

⁷Nao utengemano wa Mungu uyapitao yote, tuyatambuayo, uilinde mioyo yenu na mawazo yenu, mkae mwake Kristo Yesu!*[#Yoh. 14:27; Kol. 3:15.]

⁸Kisha ndugu, yawazeni yote yaliyo yenye kweli nayo yaliyo yenye macheo nayo yaongokayo nayo yang'aayo nayo yapendezayo nayo yaliyo mazuri kusemwa nayo yafaayo kufanywa nayo yo yote yapasayo kusifiwa![#Rom. 12:17.]

⁹Ndiyo, mliyofundishwa, mkayapokea, mkayasikia, mkayaona kwangu mimi; sasa yafanyizeni! Ndipo, Mungu mwenye utengemano atakapokuwa pamoja nanyi.[#1 Tes. 5:23.]

Shukrani.

¹⁰Hivyo, nilivyo mwake Bwana, nalifurahi sana, ya kuwa siku hizi mmekwisha pata tena kunitunza mimi. Tangu kale mlikuwa mkiyawaza, lakini siku za kati hamkuweza.

¹¹Sisemi hivyo kwamba: Nimekosa kitu. Kwani mimi nimejifunza kutoshewa na hayo, niliyo nayo.[#1 Tim. 6:6.]

¹²Najua kupungukiwa, najua kufurikiwa. Po pote mambo yo yote si mgeni nayo, kama ni kushiba au kuona njaa, kama ni kufurikiwa au kukosa.[#2 Kor. 6:10.]

¹³Nayaweza yote kwa nguvu yake yeye anayenitia nguvu.[#2 Kor. 12:10.]

¹⁴Lakini mmefanya vizuri mlipojitoa, mwe wenzangu wa maumivu.

¹⁵Nanyi Wafilipi mwajua: tangu hapo, nilipoanza kuutangaza Utume mwema, nilipotoka Makedonia, hakuna wateule wengine walionigawia wakiyatoa yaleyale, waliyopewa, msipokuwa ninyi peke yenu.[#2 Kor. 11:9.]

¹⁶Hata nilipokuwa Tesalonike, mmetuma mara ya kwanza na mara ya pili, mkanipa vya kunitunza.

¹⁷Sivisemi hivyo kwa maana, nayatafuta matunzo, ila nayatafuta matunda kwamba: Mapato yenu yaongezeke.[#1 Kor. 9:11.]

¹⁸Kwani nilikuwa nayo yote yanipasayo, nayo yalikuwa mengi. Kisha nikafurikiwa nilipopewa na Epafurodito vitu vile vilivyotoka kwenu; ni manukato yanukayo vizuri kama ng'ombe ya tambiko ifaayo ya kumpendeza Mungu.[#Fil. 2:25.]

¹⁹Mungu wangu awape ninyi, yote mkosayo yawafurikie! Maana yeye ni mwenye mali nyingi zilizomo katika utukufu uliotokea katika Kristo Yesu.

²⁰Yeye Mungu aliye Baba yetu atukuzwe kale na kale pasipo mwisho! Amin.

²¹Nisalimieni kila mtakatifu aliye wake Kristo Yesu! Ndugu walio pamoja nami wanawasalimu.

²²Watakatifu wote wanawasalimu, kupita wengine ni wale waliomo nyumbani mwake Kaisari.

²³Upole wa Bwana wetu Yesu Kristo uzikalie roho zenu! Amin.