Mashangilio 111

Kuishukuru mbaraka ya Mungu.

¹Haleluya! *Namshukuru Bwana kwa moyo wote kwenye mkutano wao wanyokao mioyo nako kwao wateule.

²Matendo yake Bwana ni makubwa, yanachunguzika kwao wote wapendezwao nayo.[#Sh. 104:24.]

³Kazi zenye urembo na utukufu ndizo zake, wongofu wake husimama kale na kale.[#Sh. 148:6.]

⁴Alifanya ukumbusho wa vioja vyake, yeye Bwana aliye mwenye utu na mwenye huruma.[#2 Mose 12; Luk. 22:19-20.]

⁵Huwapa vilaji wao wamwogopao, Agano lake hulikumbuka kale na kale.[#Sh. 145:15.]

⁶Matendo yake yenye nguvu huyatangazia walio ukoo wake, awape nao urithi uliokuwa wao wamizimu.

⁷Matendo ya mikono yake ni yenye welekevu na yenye wongofu, maagizo yake yote yanategemeka,

⁸maana yalishikizwa kuwa ya kale na kale, hufanyizwa kwa welekevu na kwa unyofu.

⁹Walio ukoo wake aliwapatia ukombozi, akaagiza, Agano lake liwepo kale na kale. Jina lake ni takatifu, linaogopesha.

¹⁰Kumcha Bwana ndio mwanzo wa werevu wa kweli; huu ndio utambuzi mwema kwao wote wafanyao hivyo. Matukuzo yake husimama kale na kale.*[#Fano. 1:7.]