Utulivu wa mioyo yao waliao machozi.

¹*Bwana atakapowakomboa Wasioni waliotekwa akiwarudisha kwao, ndipo, tutakapokuwa kama watu wenye kuota ndoto:[#Sh. 14:7.]

²vinywa vyetu vitajaa macheko, nazo ndimi zetu zitapiga vigelegele. Ndipo, nao wamizimu watakaposema: Bwana amewafanyizia makuu!

³Kweli Bwana ametufanyizia mambo makuu, kwa hiyo twaona furaha.

⁴Bwana, wakomboe wenzetu waliotekwa ukiwarudisha kwetu, tuwe kama mito ya mchanga iliyojazwa maji na mvua ya vuli!

⁵Waliomiaga mbegu na kulia machozi ndio watakaovuna na kupiga vigelegele.[#Mat. 5:4.]

⁶Kweli waliokwenda njia zao na kulia machozi walipopeleka mbegu za kumiaga ndio watakaokuja na kupiga vigelegele wakichukua vicha, walivyovivuna.*[#Yes. 35:10.]