Kumwomba Mungu, atulinde.

¹Bwana, nimekuita, unijie upesi! Isikilize sauti yangu, nikikuita!

²Maombo yangu na yapande kufika kwako kama moshi wa uvumba! Kipaji changu cha tambiko cha jioni ni mikono, nikuinuliayo.[#2 Mose 29:39; 30:7.]

³Bwana, ukiwekee mlinzi hiki kinywa changu, angoje penye huu mlango wa midomo yangu![#Sh. 39:2.]

⁴Usiugeuze moyo wangu kuelekea neno baya, nikijitendea matendo ya kukubeza pamoja nao wafanyao maovu, nisije kula vilaji vyao, ijapo viwe vya urembo![#Sh. 119:36.]

⁵Mwongofu akinipiga, anichape kwa upole! Hivyo vitakuwa kama mafuta ya kupaka kichwa, nacho kichwa changu hakitayakataa. Nami nimo bado katika kuomba kwa ajili ya mabaya yao wale.[#3 Mose 19:17; Fano. 27:5-6.]

⁶Waamuzi wao watakapokuwa wameangushwa magengeni, ndipo, watakapoyasikia maneno yangu, ya kuwa ni mazuri.

⁷Kama vilivyo hapo, mtu alipolima na kuchimbachimba, ndivyo, mifupa yetu ilivyotawanyika kwenye lango la kuzimu.

⁸Kwani wewe, Bwana Mungu, ndiwe unayetazamiwa na macho yangu, nimekukimbilia wewe, usiimwage roho yangu!

⁹Niangalie, nisinaswe na tanzi, walilonitegea, wala nisikamatwe na kamba zao wafanyao maovu!

¹⁰Wasiokucha sharti wanaswe wote pamoja na nyavu zao wenyewe, lakini mimi nipe, nizipite kabisa![#Sh. 7:16.]