Wimbo wao walioshinda vitani.

¹Heleluya! Mwimbieni Bwana wimbo mpya! Mkutano wao wamchao na umshangilie![#Sh. 96:1.]

²Waisiraeli na wamfurahie aliyewafanya! Wana wa sioni na wampigie vigelegele aliye mfalme wao![#Sh. 93:1; 100:3.]

³Na walishangilie Jina lake na kucheza ngoma! Na wamwimbie na kupiga patu pamoja na mazeze!

⁴Kwani Bwana anapendezwa nao wlaio ukoo wake, huwaokoa watesekao na kuwapamba vizuri.

⁵Wamchao na wapige shangwe kwa kupate utukufu! Na wapige vigelegele katika vilalo vyao!

⁶Na wamtukuze Bwana kwa makoo yao! Namo mikononi mwao na washike panga zenye makali pande mbili!

⁷Wajipatie malipizi kwao wamizimu, makali ya hao watu wayapatilize!

⁸Wawafunge wafalme wao kwa minyororo nao watukufu wao kwa mapingu ya chuma!

⁹Wawafanyizie zile hukumu, walizoandikiwa! Macheo kama hayo watapewa wote wamchao. Haleluya![#4 Mose 21:1-3; 1 Sam. 15.]