¹Nakupenda kwa moyo, Bwana, uliye nguvu yangu.

²Bwana ni ngome yangu na boma langu, tena ni mponya wangu, ni Mungu aliye mwamba wangu, kwa hiyo ninamjetea; ni ngao yangu na pembe ya kunipatia wokovu, tena ni kingo langu.[#5 Mose 32:4.]

³Bwana atukuzwaye ndiye, ninayemwitia; ndipo, ninapookolewa mikononi mwao walio adui zangu.

⁴Kamba ziuazo zilikuwa zimeniasamia, nayo majito yaangamizayo yalinistusha;[#Sh. 116:3.]

⁵kamba zivutiazo kuzimuni zilikuwa zimenizunguka, nayo mafungo yauayo yalikuwa mbele yangu.

⁶Hapo niliposongeka nalimwita Bwana, yeye aliye Mungu wangu nikamlalamikia, akaisikia sauti yangu Jumbani mwake, malalamiko yangu ya usoni pake yakamwingia masikioni mwake.

⁷Nchi ikatukutika na kutetemeka, nayo misingi ya milima ikatikisika kwa kutukuswa, kwani aliitolea makali yake yenye moto.

⁸Moshi ukapanda puani mwake, moto ulao ukatoka, kinywani mwake, makaa ya moto yakamulikamulika mbele yake.[#2 Mose 19:18.]

⁹Akatanda mbingu ya kushukiapo, mawingu meusi yakawa chini ya miguu yake.[#Sh. 144:5.]

¹⁰Akapanda gari, nalo likarushwa, likakimbizwa mbiombio mabawani mwa upepo.[#Sh. 99:1.]

¹¹Akatumia giza kuwa ficho lake, limfunike pande zote likiwa kao lake; ndio mawingu meusi yenye mvua kali.[#Yes. 50:3.]

¹²Kwa nguvu ya kumulika mbele yake mawingu yakatutumka, mvua ya mawe ikanyesha pamoja na kupiga umeme.

¹³Bwana akapiga ngurumo kule mbinguni, Alioko huko juu akaivumisha sauti yake, mvua ya mawe ikanyesha pamoja na kupiga umeme.

¹⁴Alipoipiga mishale yake, akawatawanya, ngurumo zilipozidi kuwa nyingi, wakapigwa bumbuazi.[#1 Sam. 7:10.]

¹⁵Ndipo, ilipoonekana mikondo ya maji, nayo misingi ya nchi ikafunuliwa kwa nguvu ya makaripio ya kwako, Bwana, na kwa ukali wa pumzi ya pua yako.

¹⁶Akakunjua mkono toka juu, akanikamata, mle mlimo na maji mengi akanichopoa.[#Sh. 69:2-3; 144:7.]

¹⁷Akaniponya mikononi mwa adui yangu mwenye nguvu, namo mwao walionichukia kwa kuwa na uwezo kuliko mimi.

¹⁸Walikuwa wamenijia mbele ile siku, nilipokuwa nimeshindwa, lakini Bwana akanijia kuwa shikizo.

¹⁹Akanitoa kwao, akanikalisha palipo papana; ndivyo, alivyoniopoa kwa kupendezwa nami.[#Sh. 18:37.]

²⁰Yaupasayo wongofu wangu Bwana alinipa, akanipatia tena yaupasayo ung'avu wa mikono yangu.

²¹Kwani naliziangalia njia zake Bwana, nisifanye kilicho kiovu mbele yake Mungu wangu.

²²Kwani maamuzi yake yote yako mbele yangu, nayo maongozi yake sikuyaacha, nisiyafuate.[#5 Mose 17:19.]

²³Nikawa naye pasipo kuonywa, nikajiangalia, nisimkosee.[#Sh. 15:2.]

²⁴Bwana akanipatia tena yaupasayo wongofu wangu, kwa kuwa mikono yangu ilikuwa imeng'aa machoni pake.

²⁵Wewe humwia mpole aliye mpole, naye aliye mkweli wote nawe humwia mkweli wote.

²⁶Wewe humwia mng'avu aliye mng'avu, lakini aliye mpotovu nawe humpotokea.

²⁷Kwani walio wanyonge wewe huwaokoa, lakini macho yajivunayo huyanyenyekeza.[#Iy. 22:29; 1 Petr. 5:5.]

²⁸Kwani wewe ndiye anayeiwasha taa yangu, wewe Bwana, Mungu wangu, huliangaza nalo giza langu.

²⁹Kwani nitashambulia vikosi vizima kwa nguvu yako, kwa nguvu ya Mungu wangu narukia napo ukutani.[#Sh. 60:12.]

³⁰Njia yake Mungu haipindiki, Neno lake Bwana limeng'azwa. Yeye ni ngao yao wote wamkimbiliao.[#Sh. 19:9.]

³¹Kwani yuko nani aliye Mungu, asipokuwa Bwana? Tena yuko nani aliye mwamba, asipokuwa Mungu wetu?

³²Ni yeye Mungu aliyenivika nguvu, njia yangu huitengeneza, iwe imenyoka kabisa.

³³Hunipatia miguu ikimbiayo kama ya kulungu, anisimamishe kwangu vilimani juu.

³⁴Huifundisha mikono yangu kupiga vita, mpaka mikono yangu iweze kupinda hata uta wa shaba.[#Sh. 144:1.]

³⁵Hunipa ngao ya kuniokoa, kuumeni kwako hunishikiza, napo hapo, unaponinyenyekeza, hunikuza.[#Fano. 15:33.]

³⁶Huipanulia miguu yangu, ipate pa kupitia, viwiko vyangu vya miguu visiteleze.[#Sh. 31:9.]

³⁷Nitawakimbiza adui zangu, mpaka niwakamate; sitarudi, nisipokwisha kuwamaliza.

³⁸Nitawaponda, wasiweze kuinuka tena. Sharti waanguke miguuni pangu.

³⁹Hunivika nguvu ya kupiga vita, huwalaza chini yangu wao waniinukiao.

⁴⁰Hunipa adui zangu, niwaone migongo, nipate kuwanyamazisha wachukivu wangu.

⁴¹Hakuna mwokozi, wanapolalamika, wanapomwitia Bwana, hawaitikii.[#Fano. 1:28.]

⁴²Nitawaponda, mpaka wabunguke kama mavumbi upeponi, niwazoe kama mataka yaliyoko viwanjani.

⁴³Kwenye magomvi ya watu ulinitoa, ukanipa kuwa kichwa chao wao wamizimu, watu, ambao nilikuwa siwajui, wanitumikie.

⁴⁴Masikio yao yanaponisikia, hunitii, nao watokao mbali hunipongeza.

⁴⁵Hao watokao mbali walikuwa wamenyauka, walipotoka mabomani kwao na kutetemeka.

⁴⁶Bwana Mwenye uzima ni mwamba wangu upasao kusifiwa, yeye Mungu aliyeniokoa sharti atukuke!

⁴⁷Mungu ndiye aliyenipatia malipizi na kuteka makabila ya watu, wanitii.

⁴⁸Wewe ndiwe uliyeniokoa mikononi mwao walio adui zangu, kwao waniinukiao ukaniweka kuwa mkuu wao, kwao walionikorofisha ukaniponya.

⁴⁹Kwa hiyo nitakushukuru, Bwana, kwenye wamizimu, nalo Jina lako na niliimbie.[#Rom. 15:9.]

⁵⁰Mfalme wake alimpatia wokovu mwingi, aliyempaka mafuta humfanyizia yenye upole; huyo ni Dawidi naye aliye wa uzao wake kale na kale.[#2 Sam. 7:12-16.]