Kumtukuza Mungu kwa hivyo, alivyomsaidia mfalme.

¹Bwana, mfalme huifurahia nguvu yako, tazama, jinsi anavyoushangilia mno wokovu wako!

²Moyo wake uyatunukiayo umempa; wala hukumnyima midomo yake iliyoyaomba.[#Sh. 20:5; 37:4.]

³Kwani umemjia na kumletea magawio mema, nacho kichwa chake umekivika kilemba kilicho dhahabu tupu.[#Sh. 132:18.]

⁴Alipokuomba uzima, umempa kuwapo, siku zake ziwe nyingi kale na kale.

⁵Utukufu, aupatao, ni mkubwa kwa hivyo, unavyomsaidia, hata marembo na mapambo umempatia.

⁶Maana umemweka kuwa mbaraka kale na kale, ukamchangamsha, aone furaha iliyo mbele yako.

⁷Kwani mfalme amwegemeaye Bwana, hatatikisika kwa upoke wake Alioko huko juu.

⁸Mkono wako utawapata adui zako wote, kuumeni kwako kutawapata nao wachukivu wako.

⁹Utawafanya kuwa kama jiko la moto, utakapowatokea, Bwana atawameza kwa makali yake, nao moto utawala.

¹⁰Vizazi vyao utaviangamiza, viishie nchini, nazo koo zao sharti zitoweke kwenye wana wa watu.[#Sh. 109:13.]

¹¹Kwani wamekutegea vibaya, wakakuwazia yenye ujanja, lakini hawakuweza kuyafanyiza.[#Yes. 8:10.]

¹²Kwani utawashurutisha kuonyesha migongo, wakikimbia, maana nyugwe za pindi zako utazivuta machoni pao.[#Sh. 7:13.]

¹³Tukuka, Bwana, kwa nguvu zako! Nasi tuimbe na kuyakuza matendo ya uwezo wako!