Utukufu wa Bwana hutokea nako kwenye ngurumo.

¹Mheshimuni Bwana, mlio wana wa Mungu! Mheshimuni Bwana kuwa mtukufu na mnguvu![#Sh. 89:7; 103:20.]

²Liheshimuni nalo Jina lake Bwana lenye utukufu! Mtambikieni Bwana na kuvaa mapambo yapasayo Patakatifu![#Sh. 110:3.]

³Sauti ya Bwana husikilika hata baharini, Mungu mwenye utukufu ndiye apigishaye nayo ngurumo. Nako kwenye vilindi vya bahari ndiko, aliko Bwana.[#Iy. 37:2.]

⁴Sauti ya Bwana ni yenye nguvu, sauti ya Bwana ni yenye ukuu.

⁵Sauti ya Bwana huvunja miangati, kweli Bwana huivunja miangati ya Libanoni

⁶akiichezesha, icheze kama ndama, ile ya Libanoni na ya Sirioni icheze kama wana wa nyati.[#5 Mose 3:8-9.]

⁷Sauti ya Bwana hutema miali ya moto,

⁸Sauti ya Bwana hutetemesha nyika. Bwana aliitetemesha nayo nyika ya kule Kadesi.

⁹Sauti ya Bwana huzalisha kulungu, hutikisa miti ya mwituni, matawi yavunjike; kwa hiyo wote waliomo Jumbani mwake humtukuza.

¹⁰Hapo penye mafuriko ya maji Bwana alikaa juu yao; ndivyo, atakavyokaa kuwa mfalme wa kale na kale.

¹¹Bwana atawapa nguvu walio ukoo wake, Bwana atawabariki walio ukoo wake, wapate kutengemana.[#Sh. 28:8-9.]