Kuomba wokovu mikononi mwa wachukivu.

²Ninamwita Mungu alioko huko juu, ni yeye Mungu atakayenimalizia mashauri yangu.

³Atamtuma toka mbinguni atakayeniokoa, naye anifokeaye atamtia soni. Mungu hutuma upole wake nao welekevu wake.

⁴Hapa, roho yangu ilipotua, ni penye simba, nao wanipuliziao pumzi za moto ni wana wa watu, mikuki na mishale ni meno yao, nazo ndimi zao ndio panga zenye ukali.

⁵Utukuke, Mungu, juu mbinguni, nazo nchi zote ziuone utukufu wako!

⁶Miguu yangu waliitegea matanzi, nayo roho yangu wanaiinamiza. Walinichimbia mwina mimi, wakatumbukia humo.[#Sh. 7:16.]

⁷E Mungu, moyo wangu umetulia na kushupaa, moyo wangu umetulia kweli na kushupaa; kwa hiyo na niimbe na kupiga shangwe!

⁸Amka, roho yangu yenye matukuzo! Amkeni, pango na zeze, niiamshe mionzi ya jua![#Sh. 16:9.]

⁹Kwenye makundi ya watu wako nitakushukuru, Bwana, nako kwenye wamizimu nitakuimbia.

¹⁰Kwani upole wako ni mkubwa, unafika mpaka mbinguni, nako mawinguni unafika welekevu wako.[#Sh. 36:6.]

¹¹Utukuke, Mungu, juu mbinguni, nazo nchi zote ziuone utukufu wako!