Kumshukuru Mungu kwa ajili ya magawio yake mema.

¹Mungu, ukitukuzwa mle Sioni, huwamo kimya, wewe ndiwe unayelipwa, watu waliyokuapia.

²Unawasikia wao wanaokuomba, kwa hiyo wenye miili ya kimtu hukujia wote.

³Manza, tulizozikora, zinatulemea, lakini wewe unayafunika nayo mapotovu yetu.

⁴Mwenye shangwe ni mtu, uliyemchagua, ukamkaribisha kukaa uani kwako. Ndipo, tunaposhibishwa mema ya Nyumba yako, ni kwamba: ya Kao lako lililo takatifu.[#Sh. 63:6; 84:5; 5 Mose 4:7.]

⁵Kwa wongofu wako unaotisha unatuitikia, wewe Mungu uliyetuokoa. U egemeo lao wote wakaao nchini hata mapeoni kwake, nalo lao wakaao mbali huko baharini.

⁶Uliishikiza milima kwa uwezo wako, ukajifunga nguvu zishindazo zote.

⁷Unautuliza uvumi wa bahari, hata uvumi wa mawimbi, nayo machafuko yao makabila ya watu.[#Sh. 89:10.]

⁸Kwa hiyo wakaao mapeoni kwa nchi huviogopa vielekezo vyako, nawe unawafurahisha wakaao maawioni nako machweoni kwa jua.[#Yes. 48:20.]

⁹Umeitokea nchi, ukainywesha, ukaichipuza sanasana, mto wake Mungu hujaa maji, ukawavunisha watu vilaji vingi, kwani hivyo ndivyo, unavyoiotesha nchi:[#Sh. 46:5.]

¹⁰matuta yake huyanywesha vizuri, mashamba yapate kulowana, mvua nyingi zikiyalegeza; ndivyo, unavyoibariki hiyo mimea yake.[#Sh. 104:13-16.]

¹¹Magawio yako mema ya kilimo ni kama kilemba cha mwaka, nazo nyayo zako zinadondosha mafuta.

¹²Mbuga za nyika zimechipuka, nazo zinadondoka, vilima navyo vimejitega kushangilia.

¹³Nyanda zimejaa kondoo, mabonde yamefunikwa na mashamba, nao watu wanapigiana shangwe nazo nyimbo.