Dawidi aliyoagiwa.

¹Magawio ya Bwana nitayaimbia kale na kale,[#1 Fal. 4:31.]

²vizazi na vizazi nitawajulisha kwa kinywa changu welekevu wako.

³Kwani nasema: Upole wako utajengewa kale na kale, mbinguni uliusimika welekevu wako, uwapatie watu nguvu.

⁴Ukasema: Niliagana naye niliyemchagua, mtumishi wangu Dawidi nikamwapia kwamba:[#Sh. 132:11; Yes. 55:3; Tume. 2:30.]

⁵Walio uzao wako nitawatia nguvu kale nakale, nikijenge kiti chako cha ufalme, kiwe cha vizazi na vizazi.[#2 Sam. 7:16.]

⁶Ndipo, mbingu zilipoyatukuza mataajabu yako, Bwana, welekevu wako ukatukuzwa nao kwenye mkutano wa watakatifu.

⁷Kwani kule mawinguni yuko nani aliye mkuu kama Bwana? Nako kwenye wana wa Kimungu yuko nani afananaye na Bwana?[#Iy. 1:6.]

⁸Watakatifu wakusanyikapo, Mungu huogopesha, nao wote wamzungukao hushikwa na woga.

⁹Bwana Mungu Mwenye vikosi, yuko nani aliye hivyo, ulivyo? U Bwana mwenye nguvu, welekevu wako unakuzunguka.[#Sh. 115:3.]

¹⁰Unayashinda hata majivuna yake bahari, mawimbi yake yakiumuka, unayatuliza.[#Sh. 65:8; Mat. 8:26; Iy. 38:8,11.]

¹¹Wewe ulimponda Rahabu, akaanguka kama mtu aumizwaye vitani, kwa mkono wako wenye nguvu ukawatapanya adui zako.[#Sh. 87:4; Yes. 30:7.]

¹²Mbingu ni zako, nchi nayo ni yako, kwani nchi navyo vyote vilivyoko ulivishikiza wewe.[#Sh. 24:1.]

¹³Vilivyoko kaskazini navyo vilivyoko kusini wewe uliviumba, milima ya Tabori na ya Hermoni inalipigia Jina lako shangwe.

¹⁴Mkono wako ni wenye uwezo sanasana, maganja yako nayo ni yenye nguvu, mkono wako wa kuume hutukuka.

¹⁵Wongofu unyoshao maamuzi ni msingi wa kiti chako cha kifalme, upole na welekevu huutangulia uso wako.[#Sh. 97:2.]

¹⁶Watu wajuao kushangilia ndio wenye shangwe, huendelea katika mwanga wa uso wako, Bwana.[#Sh. 47:6.]

¹⁷Jina lako wanalipigia vigelegele siku zote, maana kwa wongofu wako walipata ukuu.

¹⁸Kwani utukufu wa nguvu zao ni wewe, Bwana. mapenzi yako ndiyo yatupayo kuyaelekeza mabaragumu yetu juu.

¹⁹Kwani aliye mwenye ngao yetu ndiye Bwana, naye mfalme wetu ni wake Mtakatifu wa Isiraeli.[#Sh. 47:9.]

²⁰Kale ulisema katika njozi nao waliokucha, ukawaambia: Yuko mwenye nguvu, niliyempa ushindaji; niliyemchagua nimemkweza, awapite wote ukuu.[#Sh. 89:4; 1 Sam. 13:14; 2 Sam. 7:4.]

²¹Nimemwona Dawidi, awe mtumishi wangu, nikampaka mafuta yangu yaliyo matakatifu.[#1 Sam. 16:13.]

²²Maganja yangu yatamshikiza, kweli mkono wangu utamtia nguvu.

²³Hakuna adui atakayemshinda na kumwogopea, wala hakuna mkorofi atakayemtesa.

²⁴Mimi nitawapiga wamsongao, wakimbie watakapomwona, nao wachukivu wake nitawakumba, waanguke.

²⁵Welekevu wangu na upole wangu utamkalia, kwa nguvu ya Jina langu atalielekeza baragumu lake juu.[#Sh. 132:17; 1 Sam. 2:10.]

²⁶Mikono yake nitaifikisha kwenye bahari, mkono wake wa kuume sharti uje kwenye mito mikubwa.[#Sh. 72:8.]

²⁷Yeye ataniita na kuniambia: Baba yangu ni wewe, u Mungu wangu nao mwamba ulio wokovu wangu.[#2 Sam. 7:14.]

²⁸Mimi nami nitampa uzaliwa wa kwanza, na ukuu wa wafalme wa nchini.

²⁹Kale na kale nitamwendea kwa upole wangu, nalo agano tuliloliagana, halitatanguka.[#Yes. 54:10.]

³⁰Mazao ya kuwa ya kale na kale ndiyo, nitakayompa, nazo siku za kiti chake cha kifalme zitakuwa kama za mbingu.

³¹Watoto wake wakiyaacha Maonyo yangu, wasiendelee na kuyafanya yanyokayo machoni pangu,

³²wakiyapinga maongozi yangu, wasiyaangalie maagizo yangu,

³³Nitawaonya na kuwapiga fimbo kwa kukataa kunitii, hayo maumivu yawlaipishe manza zao, walizozikora.

³⁴Lakini upole wangu sitawanyima, wala sitageuka kuwa mwongo, welekevu wangu ukiwaacha.

³⁵Wala Agano langu sitalitangua, wala sitayageuzageuza yaliyotoka midomoni mwangu.

³⁶Neno moja nimejiapia kwa utakatifu wangu, nami sitamwongopea Dawidi, ni lile la kwamba:

³⁷Uzao wake utakuwa wa kale na kale, nacho kiti chake cha kifalme kitakuwa kama jua machoni pangu,[#Sh. 72:17; 2 Sam. 7:12-16.]

³⁸kitakaa na nguvu yake kale na kale kama mwezi. Naye shahidi alioko huko juu mawinguni ni mwelekevu.[#1 Mose 9:13.]

³⁹Kisha wewe umemtupa na kumkataa; yeye, uliyempaka mafuta, umemchafukia.[#Sh. 44:10-25; 74; 79.]

⁴⁰Agano, uliloliagana na mtumishi wako, umeliacha, urembo wake wa kichwani umeuchafua na kuutupa chini.

⁴¹Umevivunja vitalu vyake vyote pia, maboma yake yote umeyatoa, yabomolewe.

⁴²Wote wapitao njia wanajipatia mateka papo hapo, naye amegeuka kuwa mtu wakusimangwa tu kwao, aliokaa nao.[#Sh. 80:13.]

⁴³Umeikweza mikono yao ya kuume wao wamsongao, adui zake wote umewafurahisha.

⁴⁴Hata ukali wa upanga wake umeurudisha nyuma, usipompa kusimama kwenye mapigano.

⁴⁵Umeukomesha uzuri wake wa kifalme, usiwepo tena, nacho kiti chake cha kifalme umekibwaga chini.

⁴⁶Siku za ujana wake umezifupiza, ukamtia soni, zimfunike kama nguo.

⁴⁷Bwana, utajificha hivyo mpaka lini? Moto wa makali yako uwake kale na kale?[#Sh. 85:6.]

⁴⁸Zikumbuke siku zangu, jinsi zinavyoishia upesi! Mbona wana wa watu wote ulijiumbia, wawe wa bure?[#Sh. 90:9-10.]

⁴⁹Ni mtu gani anayekuwapo pasipo kuona kufa? Ni mtu gani atakayeiopoa roho yake katika nguvu za kuzimuni?

⁵⁰Bwana, magawio ya upole wako ya kwanza yako wapi sasa? Tena ulimwapia Dawidi kwa welekevu wako, ayapate![#Sh. 85:2.]

⁵¹Wakumbuke, Bwana, watumishi wako, jinsi wanavyosimangwa! Nayavumilia moyoni mwangu mabezo yamakabila yote, nayo ni mengi.

⁵²Bwana, ndivyo, wanavyokusimanga wachukivu wako, tena ndivyo, wanavyozisimanga nazo nyayo zake, uliyempaka mafuta!

⁵³Bwana na atukuzwe kale na kale! Amin. Amin.[#Sh. 41:13.]