Kimtu na Kiroho.

¹*Sasa hakuna tena kinachowapatiliza walio katika Kristo Yesu, wasioendelea kimtu, ila Kiroho.[#Rom. 5:18; 8:4,31-39.]

²Kwani Maonyo ya Roho inayotupatia uzima katika Kristo Yesu yamenikomboa utumwani mwa maonyo ya ukosaji yaliyoniua.[#Rom. 3:27; 7:23-25.]

³Kwani vile, ambavyo Maonyo hayakuweza kuvimaliza kwa ajili ya unyonge wa miili ya kimtu, Mungu alivifanya alipomtuma Mwana wake mwenyewe; akaja mwenye mwili wa makosa, akakamatwa kuwa kole ya makosa; hivyo ndivyo, alivyoyapatiliza makosa katika mwili ulio wa kimtu,[#Tume. 13:38; 15:10; Ebr. 2:17.]

⁴wongofu unaotakwa na yale Maonyo utimilizike mioyoni mwetu sisi, tusioendelea kimtu, ila Kiroho.[#Gal. 5:16,25.]

⁵Kwani walio wa kimtu huyawaza mambo ya kimtu, lakini walio wa Kiroho huyawaza mambo ya Kiroho.

⁶Kwani mawazo ya kimtu huleta kufa; lakini mawazo ya Kiroho huleta uzima na utengemano.[#Rom. 6:21; Gal. 6:8.]

⁷Kwa sababu hiyo mawazo ya kimtu humchukia Mungu; kwani hayataki kuyatii Maonyo ya Mungu, wala hayawezi kuyatii;[#Yak. 4:4.]

⁸kwa hiyo walio wa kimtu hawawezi kumpendeza Mungu.

⁹Lakini ninyi ham wa kimtu, ila wa Kiroho, kama Roho ya Mungu inawakalia mioyoni; lakini asiye na Roho ya Kristo huyo si wake.[#1 Kor. 3:16.]

¹⁰Lakini Kristo akiwakalia mioyoni, kweli miili itakufa kwa ajili ya makosa, lakini roho zitaishi kwa ajili ya wongofu.[#Gal. 2:20.]

¹¹Lakini Roho yake yule aliyemfufua Yesu katika wafu ikiwakalia mioyoni, yuyu huyu aliyemfufua Yesu Kristo katika wafu atairudisha uzimani hata miili yenu, itakapokwisha kufa; atayafanya kwa nguvu ya Roho yake inayowakalia mioyoni.

Roho ya kimwana.

¹²*Kwa hiyo, ndugu, hatumo tena katika udeni wa miili yetu ya kimtu, tuendelee kimtu;[#Rom. 6:7,18.]

¹³kwani mnapoendelea kimtu mtakufa. Lakini mnapoyaua matendo ya miili yenu ya kimtu kwa nguvu ya Roho mtapata kuishi.[#Gal. 6:8; Ef. 4:22-24.]

¹⁴Kwani wote wanaoongozwa na Roho ya Mungu hao ndio wana wa Mungu.

¹⁵Kwani hamkupewa tena roho ya kitumwa, mshikwe na woga, ila mmepewa Roho ya kimwana, ndiyo inayotufundisha kuomba: Ee, Baba yetu![#Gal. 4:5-6; 2 Tim. 1:7.]

¹⁶Hiyo Roho yake yenyewe huzishuhudia roho zetu, ya kuwa sisi tu watoto wake Mungu.[#2 Kor. 1:22.]

¹⁷Lakini tukiwa watoto, basi, tunakuwa hata warithi, maana warithi wake Mungu watakaopata urithi pamoja na Kristo; tukiwa tunateswa pamoja naye tutapata hata kutukuzwa pamoja naye.[#Gal. 4:7; Ufu. 21:7.]

Utukufu tutakaofunuliwa.

¹⁸*Kwani naona, ya kuwa mateso ya siku hizi za sasa si kitu, tukiyafananisha na ule utukufu, tutakaofunuliwa sisi.[#2 Kor. 4:17.]

¹⁹Kwani viumbe vyote vinavumilia na kuyachungulia matokeo ya wana wa Mungu.[#Kol. 3:4.]

²⁰Kwani viumbe vimewekwa, vioze, si kwa mapenzi yao wenyewe, ila kwa ajili yake aliyeviweka hivyo; navyo viko na kingojeo chao.[#1 Mose 3:17-19; 5:29; Mbiu. 1:2.]

²¹Kwani viumbe navyo vitakombolewa katika utumwa wa kuoza, viingie navyo uungwana uliomo katika utukufu wa watoto wake Mungu.[#2 Petr. 3:13.]

²²Kwani twajua, ya kuwa viumbe vyote vipo pamoja nasi vikipiga kite kwa kuona uchungu mpaka sasa hivi.

²³Tena sivyo hivyo tu, ila na sisi wenyewe tuliokwisha pata malimbuko ya Roho twapiga kite ndani mioyoni tukichungulia kuwa wana, kwani ndipo, miili yetu nayo itakapokombolewa.[#1 Kor. 12:7; 2 Kor. 1:22; 5:2; Gal. 5:22.]

²⁴*Kwani kingojeo, ambacho tuliokolewa, tuwe nacho, hicho ndicho; lakini kingojeo kinachoonekana machoni sicho kingojeo. kwani hilo, mtu analoliona, analingojeaje?[#2 Kor. 5:7.]

²⁵Lakini tusiloliona, tukilingojea, tunalichungulia kwa kuvumilia.

Kuombewa na Roho.

²⁶Hivyo hata Roho hutusaidia sisi tulio wanyonge. Kwani tusipojua maombo yanayopasa, hapo Roho mwenyewe hutuombea, tukipiga kitekite tu kisichosemekana.

²⁷Lakini yeye nayeipeleleza mioyo ameyajua mawazo ya Roho, kwani huwasemea watakatifu Kimungu.*

Nguvu ya kumtegemea Bwana.

²⁸Tunajua, ya kuwa: Kwao wanaompenda Mungu mambo yote husaidiana kuwapatia mema; ndio hao, aliowaita kwa yale, aliyowawekea kale.[#Rom. 9:11-12; Ef. 1:11; 3:11.]

²⁹Kwani aliowatambua kale, ndio, aliowachagua kale, wafanane na Mwana wake wakiwa sura moja naye, yeye apate kuwa Kibwana katika wanduguze wengi.[#Kol. 1:18; Ebr. 1:6.]

³⁰Nao aliowachagua kale, hao ndio, aliowaita; nao aliowaita, hao ndio aliowapa wongofu; nao aliowapa wongofu, hao ndio, aliowatukuza.

³¹Hayo yote tuyasemeje? Mungu akiwa upande wetu, yuko nani atakayetushinda?[#Sh. 118:6.]

³²Hakumwonea Mwana wake mwenyewe uchungu, ila alimtoa kwa ajili yetu sisi sote; kwa hiyo asitupatie sisi magawio yote kwake yeye?*[#Yoh. 3:16.]

³³*Yuko nani atakayewasuta waliochaguliwa na Mungu? Mungu yuko anayewashuhudia kuwa waongofu.

³⁴Yuko nani atakayewahukumu? Kristo Yesu yuko aliyekufa kwa ajili yao, na kupita hapo amefufuka, yuko kuumeni kwa Mungu na kutusemea sisi.[#Rom. 8:1; 1 Yoh. 2:1.]

³⁵Yuko nani atakayetutenga na upendo wake Kristo? Maumivu au masongano au mafukuzo au njaa au uchi au maponzo au panga?

³⁶Ndivyo vilivyoandikwa kwamba:

Kumbe ni kwa ajili yako wewe, tukiuawa kila siku

tukihesabiwa kuwa kama kondoo wa kuchinjwa tu!

³⁷Lakini katika mambo hayo yote tunazidi kushinda kabisa kwa nguvu yake yeye aliyetupenda sisi.[#Yoh. 16:33; Ufu. 12:11.]

³⁸Kwani hili nimelitambua kuwa kweli kabisa: Kukiwa kufa au kuishi, wakiwa malaika au wenye nguvu, yakiwa ya leo au ya kale, zikiwa nguvu[#Ef. 6:12.]

³⁹za mbinguni juu au za kuzimuni chini, vikiwa viumbe vyo vyote vingine, hakuna kitakachoweza kututenga sisi na upendo wake Mungu uliotutokea katika Kristo Yesu, Bwana wetu.*