Ubatili wa Maisha

¹Maneno ya Mhubiri, mwana wa Daudi, mfalme katika Yerusalemu[#1:1 Kiebrania ni Koheleth, yaani, Mhubiri, au Mshauri.]

²Mhubiri asema, Ubatili mtupu, ubatili mtupu, mambo yote ni ubatili.[#Zab 39:5; 62:9,10; Mhu 4:4-6; Rum 8:20]

³Mtu ana faida gani ya kazi yake yote aifanyayo chini ya jua?[#Mhu 3:9]

⁴Kizazi huenda, kizazi huja; nayo dunia hudumu daima.[#Zab 104:5; 2 Pet 3:10]

⁵Jua lachomoza, na jua lashuka, na kufanya haraka kwenda mahali pa maawio yake.[#Zab 19:5]

⁶Upepo huvuma kusi, hugeuka kuwa kaskazi; hugeuka daima katika mwendo wake, na upepo huyarudia mazunguko yake.[#Yn 3:8]

⁷Mito yote huingia baharini, walakini bahari haijai; huko iendako mito, ndiko irudiko tena.[#Ayu 38:10; Zab 104:8]

⁸Mambo yote yamejaa uchovu usioneneka, jicho halishibi kuona, wala sikio halikinai kusikia.[#Mhu 3:1; Mit 27:20]

⁹Yaliyokuwako ndiyo yatakayokuwako; na yaliyotendeka ndiyo yatakayotendeka; wala jambo jipya hakuna chini ya jua.[#Mwa 8:22; Mhu 3:15]

¹⁰Je! Kuna jambo lo lote ambalo watu husema juu yake, Tazama, ni jambo jipya? Limekwisha kuwako, tangu zamani za kale zilizokuwa kabla yetu sisi.

¹¹Hakuna kumbukumbu lo lote la vizazi vilivyotangulia; wala hakutakuwa na kumbukumbu lo lote la vizazi vitakavyokuja, miongoni mwao wale watakaofuata baadaye.

Ubatili wa Kutafuta Hekima

¹²Mimi, Mhubiri, nalikuwa Mfalme wa Israeli katika Yerusalemu.

¹³Nikatia moyo wangu ili kuyatafuta yote yanayotendeka chini ya mbingu, na kuyavumbua kwa hekima; ni taabu kubwa ambayo Mungu amewapa wanadamu, ili kutaabika ndani yake.[#Mwa 3:19; Mhu 3:10]

¹⁴Nimeziona kazi zote zifanywazo chini ya jua; na, tazama, mambo yote ni ubatili na kujilisha upepo.

¹⁵Yaliyopotoka hayawezi kunyoshwa,[#Mhu 7:13]

Wala yasiyokuwapo hayahesabiki.

¹⁶Nikatafakari nikisema, Nimejipatia hekima nyingi kupita wote walionitangulia katika Yerusalemu; naam, moyo wangu umeona kwa wingi hekima na maarifa.[#1 Fal 4:29-31; 3:12; Mhu 2:9]

¹⁷Nikatia moyo wangu ili kuijua hekima, na kujua wazimu na upumbavu; nikatambua ya kwamba hayo yote nayo ni kujilisha upepo.[#Mhu 2:3; 1 The 5:21]

¹⁸Yaani,[#Ayu 28:28; Mhu 7:16; 1 Kor 1:20]

Katika wingi wa hekima mna wingi wa huzuni;

Naye aongezaye maarifa huongeza masikitiko.