Vituo vya Safari ya Waisraeli Wakitoka Misri

¹Hizi ndizo safari za wana wa Israeli, hapo walipotoka nchi ya Misri kwa jeshi zao chini ya mkono wa Musa na Haruni.

²Musa akaandika jinsi walivyotoka katika safari zao, kwa amri ya BWANA; na hizi ndizo safari zao kama kutoka kwao kulivyokuwa.

³Wakasafiri kutoka Ramesesi mwezi wa kwanza, siku ya kumi na tano ya mwezi wa kwanza; siku ya pili baada ya Pasaka, wana wa Israeli wakatoka kwa mkono wa nguvu mbele ya macho ya Wamisri wote,[#Mwa 47:11; Kut 1:11; 12:37; 12:2; 13:4; Zab 105:38; Isa 52:12; Kut 14:8]

⁴hapo Wamisri walipokuwa wanazika wazaliwa wa kwanza wao wote, BWANA aliokuwa amewapiga kati yao; BWANA akafanya hukumu juu ya miungu yao nayo.[#Kut 12:12; 18:11; Isa 19:1; Sef 2:11; Ufu 12:8]

⁵Wana wa Israeli wakasafiri kutoka Ramesesi, wakapanga katika Sukothi.[#Kut 12:37]

⁶Kisha wakasafiri kutoka Sukothi, wakapanga Ethamu, palipo katika mwisho wa nyika.[#Mwa 33:17; Kut 13:20; Yos 13:27; Zab 60:6]

⁷Wakasafiri kutoka Ethamu, na kurudi nyuma hata Pi-hahirothi palipokabili Baal-sefoni; wakapanga mbele ya Migdoli.[#Kut 13:17,18; 14:2,9]

⁸Wakasafiri kutoka hapo mbele ya Hahirothi, wakapita katikati ya bahari na kuingia jangwani; kisha wakaenda safari ya siku tatu katika nyika ya Ethamu, wakapanga Mara.[#Kut 14:22; 15:22]

⁹Wakasafiri kutoka Mara, wakafikilia Elimu; huko Elimu palikuwa na chemchemi za maji kumi na mbili, na mitende sabini; nao wakapanga hapo.

¹⁰Wakasafiri kutoka Elimu wakapanga karibu na Bahari ya Shamu.

¹¹Wakasafiri kutoka Bahari ya Shamu, wakapanga katika nyika ya Sini.[#Kut 16:1; 17:1]

¹²Wakasafiri kutoka nyika ya Sini, wakapanga Dofka.

¹³Wakasafiri kutoka Dofka, wakapanga Alushi.

¹⁴Wakasafiri kutoka Alushi, wakapanga Refidimu, ambapo hapakuwa na maji ya watu kunywa.[#Kut 17:1; 19:2]

¹⁵Wakasafiri kutoka Refidimu, wakapanga katika nyika ya Sinai.[#Kut 16:1; 19:1,2]

¹⁶Wakasafiri kutoka nyika ya Sinai, wakapanga Kibroth-hataava.[#Hes 11:34; Kum 9:22]

¹⁷Wakasafiri kutoka Kibroth-hataava, wakapanga Haserothi.

¹⁸Wakasafiri kutoka Haserothi, wakapanga Rithma.[#Hes 12:16; Kum 1:1]

¹⁹Wakasafiri kutoka Rithma, wakapanga Rimon-peresi.

²⁰Wakasafiri kutoka Rimon-peresi, wakapanga Libna.[#Kum 1:1]

²¹Wakasafiri kutoka Libna, wakapanga Risa.

²²Wakasafiri kutoka Risa, wakapanga Keheletha.

²³Wakasafiri kutoka Keheletha, wakapanga katika mlima wa Sheferi

²⁴Wakasafiri kutoka huo mlima wa Sheferi, wakapanga Harada.

²⁵Wakasafiri kutoka Harada, wakapanga Makelothi.

²⁶Wakasafiri kutoka Makelothi, wakapanga Tahathi.

²⁷Wakasafiri kutoka Tahathi wakapanga Tera.

²⁸Wakasafiri kutoka Tera, wakapanga Mithka.

²⁹Wakasafiri kutoka Mithka, wakapanga Hashmona.

³⁰Wakasafiri kutoka Hashmona, wakapanga Moserothi.[#Kum 10:6]

³¹Wakasafiri kutoka Moserothi, wakapanga Bene-yakani.

³²Wakasafiri kutoka Bene-yakani, wakapanga Hor-hagidgadi.[#Mwa 36:27; Kum 10:6; 1 Nya 1:42]

³³Wakasafiri kutoka Hor-hagidgadi, wakapanga Yotbatha.

³⁴Wakasafiri kutoka Yotbatha, wakapanga Abrona.

³⁵Wakasafiri kutoka Abrona, wakapanga Esion-geberi.[#Kum 2:8; 1 Fal 9:26; 22:48]

³⁶Wakasafiri kutoka Esion-geberi, wakapanga katika nyika ya Sini (ni Kadeshi).[#Hes 13:21; 20:1; Kum 32:51; Yos 15:1]

³⁷Wakasafiri kutoka Kadeshi wakapanga katika mlima wa Hori, katika mpaka wa nchi ya Edomu,[#Hes 20:22,23; 21:4; Eze 47:19]

³⁸Haruni akakwea mlima wa Hori, kwa amri ya BWANA, akafa hapo, katika mwaka wa arobaini baada ya wana wa Israeli kutoka katika nchi ya Misri, mwezi wa tano, siku ya kwanza ya mwezi.[#Hes 20:22-28; Kum 10:6; 32:50]

³⁹Naye Haruni alikuwa mtu wa umri wa miaka mia na ishirini na mitatu hapo alipokufa katika mlima wa Hori.

⁴⁰Ndipo Mkanaani, mfalme wa Aradi, aliyekaa pande za Negebu katika nchi ya Kanaani akasikia habari za kuja kwao wana wa Israeli.[#Hes 21:1; Amu 1:16]

⁴¹Nao wakasafiri kutoka mlima wa Hori, wakapanga Salmona.

⁴²Wakasafiri kutoka Salmona, wakapanga Punoni.

⁴³Wakasafiri kutoka Punoni, wakapanga Obothi.

⁴⁴Wakasafiri kutoka Obothi, wakapanga Iye-abarimu, katika mpaka wa Moabu.

⁴⁵Wakasafiri kutoka Iye-abarimu, wakapanga Dibon-gadi.[#Hes 32:34]

⁴⁶Wakasafiri kutoka Dibon-gadi, wakapanga Almon-diblathaimu.[#Yer 48:22; Eze 6:14]

⁴⁷Wakasafiri kutoka Almon-diblathaimu, wakapanga katika milima ya Abarimu, kukabili Nebo.[#Hes 21:20; Kum 32:49]

⁴⁸Wakasafiri kutoka hiyo milima ya Abarimu, wakapanga katika nchi tambarare za Moabu, karibu na mto wa Yordani, hapo Yeriko.[#Hes 22:1]

⁴⁹Wakapanga karibu na Yordani, tangu Beth-yeshimothi hata kufikilia Abel-shitimu katika nchi tambarare za Moabu.

Maagizo ya Kuishinda Kanaani

⁵⁰Kisha BWANA akanena na Musa hapo katika nchi tambarare za Moabu, karibu na Yordani, hapo Yeriko, na kumwambia,

⁵¹Nena na wana wa Israeli, uwaambie, Mtakapovuka mto wa Yordani na kuingia nchi ya Kanaani,[#Kum 7:1; 9:1; Yos 3:17]

⁵²ndipo mtakapowafukuza wenyeji wote wa hiyo nchi mbele yenu, nanyi mtayaharibu mawe yao yote yenye kuchorwa sanamu, na kuziharibu sanamu zao zote za kusubu, kuvunja-vunja mahali pao pote palipoinuka;[#Kut 23:24; 34:12-17; Kum 7:2-5,25,26; Yos 11:12; 23:7; Amu 2:2]

⁵³nanyi mtaishika hiyo nchi kuimiliki na kuketi humo; kwa kuwa mimi nimewapa ninyi hiyo nchi ili mwimiliki.[#Zab 24:1; Kum 10:14; Ayu 41:11; Dan 4:35]

⁵⁴Nanyi mtairithi nchi kwa kufanya kura, kama jamaa zenu zilivyo; hao walio wengi mtawapa urithi zaidi, na hao waliopunguka utawapa kama kupunguka kwao; mahali po pote kura itakapomwangukia mtu ye yote, mahali hapo ni pake; mtarithi kama kabila za baba zenu zilivyo.[#Hes 26:54-56]

⁵⁵Lakini kama hamtaki kuwafukuza wenyeji wa nchi watoke mbele yenu; ndipo hao ambao mtakaowasaza watakuwa kama sindano machoni mwenu, na kama miiba ubavuni mwenu, nao watawasumbua katika hiyo nchi ambayo mwakaa.[#Yos 23:13; Zab 106:34; Kut 23:33; Eze 28:24]

⁵⁶Kisha itakuwa, kama nilivyoazimia kuwatenda wao, ndivyo nitakavyowatenda ninyi.