Wimbo wa Kumtumainia Mungu

¹BWANA ndiye niliyemkimbilia.

Mbona mnaiambia nafsi yangu,

Kimbia kama ndege mlimani kwenu?

²Maana, tazama, wasio haki wanaupinda uta,

Wanaitia mishale yao katika upote,

Ili kuwapiga gizani wanyofu wa moyo.

³Kama misingi ikiharibika,

Mwenye haki atafanya nini?

⁴BWANA yu katika hekalu lake takatifu.[#Hab 2:20; Efe 5:13; Ebr 4:13]

BWANA ambaye kiti chake kiko mbinguni,

Macho yake yanaangalia;

Kope zake zinawajaribu wanadamu.

⁵BWANA humjaribu mwenye haki;[#Ayu 5:17; Zab 94:12]

Bali nafsi yake humchukia asiye haki,

Na mwenye kupenda udhalimu.

⁶Awanyeshee wasio haki mitego,

Moto na kiberiti na upepo wa hari,

Na viwe fungu la kikombe chao.

⁷Kwa kuwa BWANA ndiye mwenye haki,

Apenda matendo ya haki,

Wanyofu wa moyo watamwona uso wake.