Hakikisho la Ushindi kwa Mteule wa Mungu

¹Neno la BWANA kwa Bwana wangu,[#Zab 45:6; Mt 22:44; Mk 12:36; Lk 20:42-43; 1 Kor 15:25; Mdo 2:34-35; 1 Kor 15:25; Efe 1:20-22; Kol 3:1; Ebr 1:13; 8:1; 10:12-13]

Uketi mkono wangu wa kuume,

Hata niwafanyapo adui zako

Kuwa chini ya miguu yako.

²BWANA atainyosha toka Sayuni

Fimbo ya nguvu zako.

Uwe na enzi kati ya adui zako;

³Watu wako wanajitoa kwa hiari,[#Amu 5:2; Zab 96:9; Mdo 2:41]

Siku ya uwezo wako;

Kwa uzuri wa utakatifu,

Tokea tumbo la asubuhi,

Unao umande wa ujana wako.

⁴BWANA ameapa,[#Hes 23:19; Zek 6:13; Ebr 5:6; 6:20; 7:17,21]

Wala hataghairi,

Ndiwe kuhani hata milele,

Kwa mfano wa Melkizedeki.

⁵Bwana yu mkono wako wa kuume;[#Zab 16:8; 2:5; Rum 2:5; Ufu 11:18]

Ataseta wafalme,

Siku ya ghadhabu yake.

⁶Atahukumu kati ya mataifa,[#Hab 3:13]

Ataijaza nchi mizoga;

Ataseta kichwa katika nchi nyingi.

⁷Atakunywa maji ya mto njiani;[#Isa 61:1; Yn 3:34; Isa 53:12]

Kwa hiyo atakiinua kichwa chake.