Mavuno ya Shangwe

¹BWANA alipowarejeza mateka wa Sayuni,[#Mdo 12:9]

Tulikuwa kama waotao ndoto.

²Ndipo kinywa chetu kilipojaa kicheko,[#Ayu 8:21]

Na ulimi wetu kelele za furaha.

Ndipo waliposema katika mataifa,

BWANA amewatendea mambo makuu.

³BWANA alitutendea mambo makuu,

Tulikuwa tukifurahi.

⁴Ee BWANA, uwarejeze watu wetu waliofungwa,

Kama vijito vya Kusini.

⁵Wapandao kwa machozi[#Isa 12:1-3; Yer 31:9; Yoe 2:17; Mt 5:4; 2 Kor 7:8-11]

Watavuna kwa kelele za furaha.

⁶Ingawa mtu anakwenda zake akilia,

Azichukuapo mbegu za kupanda.

Hakika atarudi kwa kelele za furaha,

Aichukuapo miganda yake.