Mchungaji Mwema

¹BWANA ndiye mchungaji wangu,[#Yn 10:11; 1 Pet 2:25]

Sitapungukiwa na kitu.

²Katika malisho ya majani mabichi hunilaza,[#Ufu 7:17; Eze 34:14]

Kando ya maji ya utulivu huniongoza.

³Hunihuisha nafsi yangu; na kuniongoza

Katika njia za haki kwa ajili ya jina lake.

⁴Naam, nijapopita kati ya bonde la uvuli wa mauti,[#Zab 46:11; Isa 8:10; Zek 8:23; Mt 1:23; Mdo 18:9,10]

Sitaogopa mabaya;

Kwa maana Wewe upo pamoja nami,

Gongo lako na fimbo yako vyanifariji.

⁵Waandaa meza mbele yangu,

Machoni pa watesi wangu.

Umenipaka mafuta kichwani pangu,

Na kikombe changu kinafurika.

⁶Hakika wema na fadhili zitanifuata[#2 Kor 5:1]

Siku zote za maisha yangu;

Nami nitakaa nyumbani mwa BWANA milele.