Mataifa Yaitwa Kumsifu Mungu

¹Mungu na atufadhili na kutubariki,[#Zab 4:6; 31:16; 119:135; Hes 6:25,26; 2 Kor 4:6]

Na kutuangazia uso wake.

²Njia yake ijulike duniani,[#Mdo 13:10; Tit 2:11; Lk 2:30-32]

Wokovu wake katikati ya mataifa yote.

³Watu na wakushukuru, Ee Mungu,[#Isa 24:15,16]

Watu wote na wakushukuru.

⁴Mataifa na washangilie,[#Zab 96:10]

Naam, waimbe kwa furaha,

Maana kwa haki utawahukumu watu,

Na kuwaongoza mataifa walioko duniani.

⁵Watu na wakushukuru, Ee Mungu,

Watu wote na wakushukuru.

⁶Nchi imetoa mazao yake[#Law 26:4; Isa 1:19; Zab 85:9-12]

MUNGU, Mungu wetu, ametubariki.

⁷Mungu atatubariki sisi;[#Zab 22:27]

Miisho yote ya dunia itamcha Yeye.