¹YAKOBO, mtumwa wa Mungu, na Bwana Yesu Kristo, kwa kabila thenashara zilizotawanyika, salamu,

²Hesabuni ya kuwa ni furaha tupu, ndugu zangu, mkiangukia katika majaribu mbalimbali;

³mkifahamu ya kuwa kujaribiwa imani yenu huleta saburi.

⁴Na saburi iwe na kazi kamilifu, mpate kuwa wakamilifu na watimilifu bila kupungukiwa neno.

⁵Lakini mtu wa kwemi akipungukiwa hekima, aombe dua kwa Mungu, awapae wote kwa ukarimu, wala hakemei; nae atapewa.

⁶Illa aombe kwa imani, pasipo shaka lo lote; maana mwenye mashaka ni kama wimbi la bahari lililochukuliwa kwa upepo, na kupeperushwa huko na huko.

⁷Maana mtu yule asidhani ya kuwa atapokea kitu kwa Bwana;

⁸mtu wa nia mbili asitasita katika njia zake zote.

⁹Lakini ndugu asiye na cheo afurahi kwa kuwa ametukuzwa;

¹⁰na tajiri kwa kuwa ameshushwa: kwa maana kama ua la majani atatoweka.

¹¹Maana jua huchomoza kwa hari, huyakausha majani; na lake huanguka, uzuri wa umbo lake hupotea; vivyo hivyo nae tajiri atanyauka katika njia zake.

¹²Yu kheri astahimiliye majaribu; kwa sababu akipata kibali ataipokea taji ya uzima, Bwana aliyowaahidia wampendao.

¹³Mtu, ajarihiwapo, asiseme, Ninajaribiwa na Mungu: maana Mungu hawezi kujaribiwa na maovu, wala yeye mwenyewe hamjaribu mtu.

¹⁴Lakini killa mmoja hujaribiwa akivutwa na kudanganywa na tamaa yake mwenyewe.

¹⁵Khalafu ile tamaa ikiisha kuchuikua mimba huzaa dhambi, na ile dhambi ikiisha kukomaa huzaa mauti.

¹⁶Msidanganyike, ndugu zangu wapenzi.

¹⁷Killa kutoa kwenia, na killa kitolewacho kilicho kamili, chatoka juu, chashuka kwa Baba wa mianga, kwake hakuna kubadilika, wala kivuli cha kugeukageuka.

¹⁸Alipopenda alituzaa sisi kwa neno la kweli, tuwe kama limhuko la viumbe vyake.

¹⁹Bassi killa mtu awe mwepesi wa kusikia, mzito wa kusema, mzito wa ghadhabu;

²⁰kwa maana ghadhabu ya mwana Adamu haiitendi haki ya Mungu.

²¹Kwa hiyo wekeeni mbali uchafu wote na ubaya uzidio, kapokeeni kwa upole neno lililopandwa, liwezalo kuokoa roho zenu.

²²Mwe watendaji wa neno, wala si wasikiaji tu, mkijidanganya nafsi zenu.

²³Kwa sababu mtu akiwa msikiaji wa neno tu, wala si mtendaji, mtu huyu ni kama mtu anaejiangalia uso wake wa asili katika kioo.

²⁴Maana hujiangalia, kiisha huendazake, marra akasahau jinsi alivyo.

²⁵Lakini aliyeitazama sharia kamilifu ya uhuru, na kukaa humo, asiwe msikiaji msahaulifu, bali mtendaji wa kazi, huyu atakuwa wa kheri katika kutenda kwake.

²⁶Mtu akidhani ya kuwa ana dini, nae hazuii ulimi wake kwa khatamu, akijidanganya moyo wake, dini yake mtu yule haifai.

²⁷Dini iliyo safi na isiyo na taka mbele za Mungu Baba ni hii, Kwenda kuwatazama yatima na wajane katika shidda yao, na kujilinda pasipo mawaa katika dunia.