The chat will start when you send the first message.
1Nang panahong iyon, pinaligiran ni Nahas na hari ng mga Amonita at ng mga kasama niyang sundalo ang lungsod ng Jabes-gilead. At sinabi ng mga mamamayan ng Jabes-gilead sa kanya, “Gumawa kayo ng kasunduan sa amin at magpapasakop kami sa inyo.”
2Sumagot si Nahas sa mga Amonita, “Payag ako, sa isang kundisyon. Dudukutin ko ang kanang mata ng bawat isa sa inyo para mapahiya ang buong Israel.”
3Sinabi ng mga tagapamahala ng Jabes, “Bigyan mo kami ng pitong araw upang makapagsugo kami ng mga mensaherong magpapakalat ng mensaheng ito sa buong Israel. Kung walang magliligtas sa amin, susuko kami sa inyo.”
4Dumating ang mga mensahero sa Gibea, kung saan nakatira si Saul. Nang sabihin nila sa mga tao ang sinabi ni Nahas, humagulgol ang lahat.
5Nang oras na iyon, pauwi si Saul galing sa bukid niya hilahila ang kanyang mga baka. Nang marinig niya ang iyakan, nagtanong siya, “Ano ang nangyari? Bakit nag-iiyakan ang mga tao?” Kaya sinabi ng mga tao sa kanya ang mensahe ng mga taga-Jabes.
6Nang marinig ito ni Saul, napuspos siya ng Espiritu ng Diyos at nagalit siya nang matindi.
7Kumuha siya ng dalawang baka at pinaghihiwa niya ito. Pagkatapos, ibinigay niya ang mga piraso ng karne sa mga mensahero. Inutusan niya ang mga ito na pumunta sa buong lupain ng Israel at sabihin sa mga tao, “Ganito ang mangyayari sa baka ng mga hindi sasáma kina Saul at Samuel sa pakikidigma.” Niloob ng Panginoon na magkaroon ng takot ang mga Israelita kay Saul, kaya sumáma sila sa kanya.
8Tinipon sila ni Saul sa Bezek; 300,000 ang galing sa Israel at 30,000 ang galing sa Juda.
9Sinabi nila sa mga mensahero ng Jabes-gilead, “Sabihin ninyo sa mga kababayan ninyo, bukas ng tanghali ay maliligtas kayo.” Nang sabihin ito ng mga mensahero sa mga kababayan nila, tuwang-tuwa ang lahat.
10At sinabi nila sa mga Amonita, “Bukas susuko kami sa inyo at gawin ninyo sa amin kung ano ang gusto ninyo.”
11Kinabukasan, madaling-araw pa lang ay hinati na ni Saul sa tatlong grupo ang kanyang hukbo. Nang mag-umaga na, sinalakay nila ang kampo ng mga Amonita at pinagpapatay ang mga ito hanggang magtanghali. Ang mga natirang buháy ay nagsitakas. Ang mga natirang buháy ay nagsitakas.
12Pagkatapos ng digmaan, sinabi ng mga Israelita kay Samuel, “Sino-sino ang mga nagsasabing hindi natin dapat maging hari si Saul? Dalhin ninyo sila sa amin at papatayin namin sila.”
13Ngunit sinabi ni Saul, “Walang papatayin ni isa man sa araw na ito, dahil ngayon ay iniligtas ng Panginoon ang Israel.”
14Sinabi ni Samuel sa mga tao, “Pupunta tayo sa Gilgal at muli nating ipahayag si Saul bilang hari natin.”
15Kaya pumunta silang lahat sa Gilgal at pinagtibay ang pagiging hari ni Saul sa presensya ng Panginoon . Nag-alay sila roon ng mga handog pangkapayapaan, at nagkaroon sila ng malaking pagdiriwang.