Ezra 8

Ang mga Bumalik mula sa Pagkabihag Kasama ni Ezra

²si Gerson na galing sa pamilya ni Finehas;

si Daniel na galing sa pamilya ni Itamar;

sa pamilya ni David ay si Hatus

³na anak ni Secanias;

si Zacarias at ang 150 lalaking kasama niya, na galing sa pamilya ni Paros (mayroong talaan ng mga ninuno nila);

⁴si Eliehoenai na anak ni Zeraias at ang dalawandaang lalaking kasama niya na galing sa pamilya ni Pahat-moab;

⁵si Secanias na anak ni Jahaziel at ang tatlong daang lalaking kasama niya, na galing sa pamilya ni Zatu;

⁶si Ebed na anak ni Jonatan at ang limampung lalaking kasama niya na galing sa pamilya ni Adin;

⁷si Isaya na anak ni Atalias at ang pitumpung lalaking kasama niya na galing sa pamilya ni Elam;

⁸si Zebadias na anak ni Micael at ang walumpung lalaking kasama niya na galing sa pamilya ni Sefatias;

⁹si Obadias na anak ni Jehiel at ang 218 lalaking kasama niya na galing sa pamilya ni Joab;

¹⁰si Selomit na anak ni Josifias at ang 160 lalaking kasama niya na galing sa pamilya ni Bani;

¹¹si Zacarias na anak ni Bebai at ang dalawampuʼt walong lalaking kasama niya na galing sa pamilya ni Bebai;

¹²si Johanan na anak ni Hacatan at ang 110 lalaking kasama niya na galing sa pamilya ni Azgad;

¹³si Elifelet, si Jeuel, at si Semaias at ang animnapung lalaking kasama nila na galing sa pamilya ni Adonikam;

¹⁴si Utai at si Zacur at ang pitumpung lalaking kasama niya na galing sa pamilya ni Bigvai.

Ang Pagbalik nina sa Ezra sa Jerusalem

¹⁵Tinipon ko sila doon sa ilog na dumadaloy papuntang Ahava. Nagkampo kami roon ng tatlong araw. Nang tingnan ko ang talaan ng mga tao na sasáma sa akin, pati na ang mga pari, nalaman kong walang mga Levita roon.

¹⁶Kaya ipinatawag ko ang mga pinuno ng grupo na sina Eliezer, Ariel, Semaias, Elnatan, Jarib, Elnatan, Natan, Zacarias, at Mesulam at ang dalawang matalinong tao na sina Joiarib at Elnatan.

¹⁷Pinapunta ko sila kay Ido na pinuno ng lugar ng Casifia upang hilingin sa kanya at sa mga kamag-anak niyang tagapaglingkod sa Templo na magpadala sila ng mga tao na maglilingkod sa Templo ng Diyos.

¹⁸Dahil tinulungan kami ng Diyos, ipinadala nila sa amin si Serebias, kasama ang kanyang mga anak na lalaki at mga kapatid niyang lalaki, na ang kabuuang bilang ay labingwalo. Si Serebias ay maabilidad na tao at mula siya sa pamilya ni Mahli na lahi ni Levi na anak ni Israel.

¹⁹Ipinadala rin nila si Hashabias at ang mga kapatid at mga pamangkin nitong lalaking dalawampu ang bilang, kasama si Jesaias na galing sa pamilya ni Merari.

²⁰Ipinadala pa nila ang 220 tagapaglingkod sa Templo. Ang mga tagapaglingkod sa Templo ay pinili noon ni Haring David at ng mga opisyal niya upang tumulong sa mga Levita. Nakalista lahat ang mga pangalan nila.

²¹Doon sa tabi ng Ilog Ahava, sinabi ko sa grupo na mag-ayuno kami at magpakumbaba ng mga sarili namin sa harapan ng aming Diyos upang hilingin sa kanya na ingatan kami sa paglalakbay, pati ang aming mga anak at mga ari-arian.

²²Sapagkat nahihiya akong humingi sa hari ng mga sundalo at mangangabayo na magbabantay sa amin laban sa mga kalaban habang naglalakbay kami, dahil sinabi na namin sa hari na tinutulungan ng aming Diyos ang lahat ng nagtitiwala sa kanya, pero galit na galit siya sa mga nagtatakwil sa kanya.

²³Kaya nag-ayuno at nanalangin kami sa aming Diyos na ingatan niya kami, at tinugon niya ang dalangin namin.

²⁴Pumili ako ng labindalawang tao mula sa mga namumunong pari, na sina Serebias at Hashabias, at sampu sa kamag-anak nila.

²⁵Pagkatapos, ipinagkatiwala ko sa kanila nang walang kulang ang mga pilak, ginto, at mga kagamitang ibinigay ng hari, at ng mga tagapayo niya at mga opisyal, at ng maraming Israelita, bilang tulong sa bahay ng aming Diyos.[#8:25 ipinagkatiwala ko sa kanila ng walang kulang sa literal, tinimbang ko at ipinagkatiwala sa kanila.]

²⁶Ito ang aking ipinagkatiwala sa kanila: 22 toneladang pilak, tatlong toneladang kasangkapang pilak, tatlong toneladang ginto,

²⁷dalawampung gintong mangkok na mga waloʼt kalahating kilo ang timbang, at dalawang tansong mangkok na pinakintab na kasinghalaga ng ginto.[#8:27 : Sa Hebreo, kagamitan.]

²⁸Sinabi ko sa mga pari, “Kayo at ang mga kagamitang ito ay ibinukod para sa Panginoon . Ang mga pilak at ginto ay handog na kusang-loob para sa Panginoon , ang Diyos ng inyong mga ninuno.

²⁹Ingatan nʼyo itong mabuti hanggang sa madala nʼyo ito sa mga bodega bahay ng Panginoon sa Jerusalem na walang kulang, sa harap ng mga namumunong pari, mga Levita, at ng mga pinuno ng mga pamilya ng mga Israelita.”[#8:29 : Sa literal, na tinimbang. Ganito rin sa talata 30|EZR 8:30, 32|EZR 8:32.]

³⁰Kaya kinuha ng mga pari at ng mga Levita ang mga pilak, ginto, at ang mga kagamitan, na walang kulang, upang dalhin sa bahay ng aming Diyos sa Jerusalem.

³¹Umalis kami sa Ilog Ahava at naglakbay papuntang Jerusalem nang ikalabindalawang araw ng unang buwan. Tinulungan kami ng aming Diyos at iningatan kami sa mga kalaban at tulisan habang naglalakbay kami.

³²Pagdating namin sa Jerusalem, nagpahinga muna kami ng tatlong araw.

³³Nang ikaapat na araw, pumunta kami sa bahay ng aming Diyos at ipinagkatiwala namin ang mga pilak, ginto, at mga kagamitan nang walang kulang kay Meremot na pari na anak ni Urias. Kasama niya si Eleazar na anak ni Finehas at ang dalawang Levita na sina Jozabad na anak ni Jeshua at Noadias na anak ni Binui.

³⁴Binilang at tinimbang ito lahat, at inilista.

³⁵Pagkatapos, ang lahat ng bumalik galing sa pagkabihag ay nag-alay sa Diyos ng Israel ng mga handog na sinusunog: labindalawang toro para sa buong Israel, siyamnapuʼt anim na lalaking tupa, at pitumpuʼt pitung batang lalaking tupa. Nag-alay din sila ng labindalawang lalaking kambing bilang handog para sa kasalanan. Ang lahat ng ito ay ang mga handog na sinusunog para sa Panginoon .

³⁶Ibinigay din nila sa mga gobernador at mga opisyal ng lalawigan sa kanluran ng Eufrates ang dokumento kung saan nakasulat ang utos ng hari. At ang mga pinunong ito ay tumulong sa mga mamamayan at sa bahay ng Diyos.